Upayanti Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[118]

[1][pts][bodh][than] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Mahā samuddo bhikkhave, upayanto||
mahā-nadiyo upayāpeti;||
mahā-nadiyo upayantiyo,||
kunnadiyo upayāpenti;||
kunnadiyo upayāpentiyo,||
mahā-sobbhe upayāpenti;||
mahā-sobbhā upayantā,||
kussobbhe upayāpenti.|| ||

Evam eva kho bhikkhave, avijjā upayantī,||
saṅkhāre upayāpeti.|| ||

Saṅkhārā upayantā,||
viññāṇaṁ upayāpenti.|| ||

Viññāṇaṁ upayan,||
taṁ nāma-rūpaṁ upayāpeti.|| ||

Nāma-rūpaṁ upayan,||
taṁ saḷāyatanaṁ upayāpeti.|| ||

Saḷāyatanaṁ upayan,||
taṁ phassaṇ upayāpeti.|| ||

Phasso upayanto,||
vedanaṁ upayāpeti.|| ||

Vedanā upayantī,||
taṇhaṁ upayāpeti.|| ||

Taṇhā upayantī,||
upādānaṁ upayāpeti.|| ||

Upādānaṁ upayan,||
taṁ [119] bhavaṁ upayāpeti.|| ||

Bhavo upayanto,||
jātiṁ upayāpeti.|| ||

Jāti upayanti,||
jarā-māraṇaṁ upayāpeti.|| ||

Mahā-samuddo bhikkhave, apayanto,||
mahā-nadiyo apayāpeti.|| ||

Mahānadiyo apayantiyo,||
kunnadiyo apayāpenti.|| ||

Kunnadiyo apayantiyo,||
mahā-sobbhe apayāpenti.|| ||

Mahāsobbhā apayantā,||
kussobbhe apayāpenti.|| ||

Evam eva kho bhikkhave, avijjā apayantī,||
saṅkhāre apayāpeti|| ||

Saṅkhārā apayantā,||
viññāṇaṁ apayāpenti.|| ||

Viññāṇaṁ apayan,||
taṁ nāma-rūpaṁ apayāpeti.|| ||

Nāma-rūpaṁ apayan,||
taṁ saḷāyatanaṁ apayāpeti.|| ||

Saḷāyatanaṁ apayan,||
taṁ phassaṇ apayāpeti.|| ||

Phasso apayanto,||
vedanaṁ apayāpeti.|| ||

Vedanā apayantī,||
taṇhaṁ apayāpeti.|| ||

Taṇhā apayantī,||
upādānaṁ apayāpeti.|| ||

Upādānaṁ apayan,||
taṁ bhavaṁ apayāpeti.|| ||

Bhavo apayanto,||
jātiṁ apayāpeti.|| ||

Jāti apayantī,||
jarā-māraṇaṁ apayāpetī" ti.|| ||