Saṁyutta Nikāya
II. Nidāna Vagga
14. Dhātu-Saṁyuttaṁ
IV. Catuttha Vagga

Sutta 39

Tatiya Samaṇa-Brāhmaṇa Suttaṁ

 

---

[176]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Ye hi keci, bhikkhave, samaṇā vā brāhmaṇā vā paṭhavi-dhātuṁ na pajānanti,||
paṭhavi-dhātusamudayaṁ na pajānanti,||
paṭhavi-dhātunirodhaṁ na pajānanti,||
paṭhavī-dhātunirodha-gāminiṁ paṭipadaṁ na pajānanti.|| ||

3. [177] Āpo-dhātuṁ na pajānanti,||
āpo-dhātusamudayaṁ na pajānanti,||
āpo-dhātunirodhaṁ na pajānanti,||
āpo-dhātunirodha-gāminiṁ paṭipadaṁ na pajānanti.|| ||

Tejo-dhātuṁ na pajānanti,||
tejo-dhātusamudayaṁ na pajānanti,||
tejo-dhātunirodhaṁ na pajānanti,||
tejo-dhātunirodha-gāminiṁ paṭipadaṁ na pajānanti.|| ||

Vāyo-dhātuṁ na-p-pajānanti,||
vāyo-dhātusamudayaṁ na pajānanti,||
vāyo-dhātunirodhaṁ na pajānanti,||
vāyo-dhātunirodha-gāminiṁ paṭipadaṁ na pajānanti.|| ||

Na me te bhikkhave, samaṇā vā brāhmaṇā vā samaṇesu vā samaṇa-sammatā, brāhmaṇesu vā brāhmaṇa-sammatā.|| ||

Na ca pana te āyasmantā sāmaññattaṁ vā brahmaññattaṁ vā diṭṭhe'va dhamme sayaṁ abhiññā sacchi-katvā upasampajja viharanti.|| ||

6. Ye ca kho keci bhikkhave, samaṇā vā brāhmaṇā vā paṭhavī-dhātuṁ pajānanti,||
paṭhavī-dhātusamudayaṁ pajānanti,||
paṭhavī-dhātunirodhaṁ pajānanti,||
paṭhavī-dhātunirodha-gāminīṁ paṭipadaṁ pajānanti.|| ||

7. Āpo-dhātuṁ pajānatti,||
āpo-dhātusamudayaṁ pajānanti,||
āpo-dhātunirodhaṁ pajānanti,||
āpo-dhātunirodha-gāminiṁ paṭipadaṁ pajānanti.|| ||

8. Tejo-dhātuṁ pajānanti,||
tejo-dhātuṁ pajānanti,||
tejo-dhātusamudayaṁ pajānanti,||
tejo-dhātunirodhaṁ pajānanti,||
tejo-dhātunirodha-gāminiṁ paṭipadaṁ pajānanti.|| ||

9. Vāyo-dhātuṁ pajānanti,||
vāyo-dhātusamudayaṁ pajānanti,||
vāyo-dhātunirodhaṁ pajānanti,||
vāyo-dhātunirodha-gāminiṁ paṭipadaṁ pajānanti.|| ||

Te ca kho me bhikkhave, samaṇā vā brāhmaṇā vā samaṇesu c'eva samaṇa-sammatā brāhmaṇesu ca brāhmaṇa-sammatā||
te ca pan'āyasmanto sāmaññ'atthañ ca brahmaññ'atthañ ca diṭṭhe'va dhamme sayaṁ abhiññā sacchi-katvā upasampajja viharantī" ti.|| ||

Dhātu-Saṁyuttaṁ Samattaṁ