Saṃyutta Nikāya
II. Nidāna Vagga
15. Anamat'agga-Saṃyuttaṃ
II. Dutiya Vagga
Sutta 20
Vepulla-Pabbata Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Rājagahe viharati Gijjhakūṭe pabbate.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkh Bhagavato paccassosuṃ.|| ||
Bhagavā etad avoca:|| ||
"Anamat'aggoyaṃ bhikkhave, saṃsāro.|| ||
Pubbā koṭi na paññāyati avijjā-nīvaraṇānaṃ sattāṇaṃ taṇhā-saṃyojānānaṃ sandhāvataṃ saṃsarataṃ.|| ||
Pubbā koṭi na paññāyati avijjā-nīvaraṇānaṃ sattāṇaṃ taṇhā-saṃyojānānaṃ sandhāvataṃ saṃsarataṃ.|| ||
§
Bhūta-pubbaṃ bhikkhave,||
imassa Vepullassa pabbatassa Pācīnavaṃso tv'eva samaññā udapādi.|| ||
Tena kho pana [191] bhikkhave,||
samayena manussānaṃ Tivarā tv'eva samaññā udapādi.|| ||
Tivarānaṃ bhikkhave,||
manussānaṃ cattārisaṃ vassa-sahassāni āyu-p-pamāṇaṃ ahosi.|| ||
Tivarā bhikkhave,||
manussā Pācīnavaṃsaṇ pabbataṃ catuhena ārohanti,||
catuhena orohanti.|| ||
Tena kho pana samayena Kakusandho Bhagavā arahaṃ Sammā Sambuddho loke uppanno hoti.|| ||
Kakusandhassa bhikkhave,||
Bhagavato arahato Sammā Sambuddhassa||
Vidhura-Sañjīvaṃ nāma sāvakayugaṃ ahosi||
aggaṃ bhaddayugaṃ.|| ||
Passatha bhikkhave,||
sā cevimassa pabbatassa samaññā antara-hitā.|| ||
Te ca manussā kālaṃkatā.|| ||
So ca Bhagavā parinibbuto.|| ||
Evaṃ aniccā bhikkhave, saṇkhārā,||
evaṃ addhuvā bhikkhave, saṇkhārā,||
evaṃ anassāsikā bhikkhave, saṇkhārā.|| ||
Yāvañ c'idaṃ bhikkhave,||
alam eva sabba-saṇkhāresu nibbindituṃ,||
alaṃ virajjituṃ,||
alaṃ vimuccituṃ.|| ||
■
Bhūta-pubbaṃ bhikkhave,||
imassa Vepullassa pabbatassa Vaṇkako tv'eva samaññā udapādi.|| ||
Tena kho pana bhikkhave,||
samayena manussānaṃ Rohitassā tv'eva samaññā udapādi.|| ||
Rohitassānaṃ bhikkhave,||
manussānaṃ tiṃsavassa-sahassāni āyu-p-pamāṇaṃ ahosi.|| ||
Rohitassā bhikkhave,||
manussā Vaṇkakaṃ pabbataṃ tīhena ārohanti,||
tīhena orohanti.|| ||
Tena kho pana bhikkhave,||
samayena Konāgamano||
Bhagavā arahaṃ Sammā Sambuddho||
loke uppanno hoti.|| ||
Konāgamanassa bhikkhave,||
Bhagavato arahato Sammā Sambuddhassa||
Bhiyyo-Suttaraṃ nāma sāvakayugaṃ ahosi||
aggaṃ bhaddayugaṃ.|| ||
Passatha bhikkhave,||
sā cevimassa pabbatassa samaññā antara-hitā.|| ||
Te ca manussā kālaṃkatā.|| ||
So ca Bhagavā parinibbuto.|| ||
[192] Evaṃ aniccā bhikkhave, saṇkhārā,||
evaṃ addhuvā bhikkhave, saṇkhārā,||
evaṃ anassāsikā bhikkhave, saṇkhārā.|| ||
Yāvañ c'idaṃ bhikkhave,||
alam eva sabba-saṇkhāresu nibbindituṃ,||
alaṃ virajjituṃ,||
alaṃ vimuccituṃ.|| ||
■
Bhūta-pubbaṃ bhikkhave,||
imassa Vepullassa pabbatassa Suphasso tv'eva samaññā udapādi.|| ||
Tena kho pana bhikkhave,||
samayena manussānaṃ Suppiya tv'eva samaññā udapādi.|| ||
Suppiyānaṃ bhikkhave,||
manussānaṃ vīsati vassa-sahassāni āyu-p-pamāṇaṃ ahosi.|| ||
Suppiyā bhikkhave,||
manussā Suphassaṇ pabbataṃ dvīhena ārohanti,||
dvīhena orohanti.|| ||
Tena kho pana bhikkhave,||
samayena Kassapo||
Bhagavā arahaṃ Sammā Sambuddho||
loke uppanno hoti.|| ||
Kassapassa bhikkhave,||
Bhagavato arahato Sammā Sambuddhassa||
Tissa-Bhāradvājaṃ nāma sāvakayugaṃ ahosi||
aggaṃ bhaddayugaṃ.|| ||
Passatha bhikkhave,||
sā cevimassa pabbatassa samaññā antara-hitā.|| ||
Te ca manussā kālaṃkatā.|| ||
So ca Bhagavā parinibbuto.|| ||
Evaṃ aniccā bhikkhave, saṇkhārā,||
evaṃ addhuvā bhikkhave, saṇkhārā,||
evaṃ anassāsikā bhikkhave, saṇkhārā.|| ||
Yāvañ c'idaṃ bhikkhave,||
alam eva sabba-saṇkhāresu nibbindituṃ,||
alaṃ virajjituṃ,||
alaṃ vimuccituṃ.|| ||
§
Etarahi kho pana bhikkhave,||
imassa Vepullassa pabbatassa Vepullo tv'eva samaññā udapādi.|| ||
Etarahi kho pana bhikkhave,||
imesaṇ manussānaṃ Māgadhakā tv'eva samaññā udapādi.|| ||
Māgadhakānaṃ bhikkhave,||
manussānaṃ appakaṃ āyu-p-pamāṇaṃ parittaṃ lahukaṃ.|| ||
Yo ciraṃ jīvati,||
so vassa-sataṃ,||
appaṃ vā bhiyyo.|| ||
Māgadhakā bhikkhave,||
manussā Vepullaṃ pabbataṃ muhuttena ārohanti,||
muhuttena orohanti.|| ||
Etarahi kho panāhaṃ bhikkhave,||
arahaṃ Sammā Sambuddho||
loke uppanno.|| ||
Mayhaṃ kho pana bhikkhave,||
Sāriputta-Moggallānaṃ nāma sāvakayugaṃ||
aggaṃ bhaddayugaṃ.|| ||
Bhavissati bhikkhave, so samayo,||
yā ayañ cevimassa [193] pabbatassa samaññā antara-dhāyissati.|| ||
Ime ce manussā kālaṃ karissanti.|| ||
Ahañ ca parinibbāyissāmi.|| ||
Evaṃ aniccā bhikkhave, saṇkhārā,||
evaṃ addhuvā bhikkhave, saṇkhārā,||
evaṃ anassāsikā bhikkhave, saṇkhārā.|| ||
Yāvañ c'idaṃ bhikkhave,||
alam eva sabba-saṇkhāresu nibbindituṃ,||
alaṃ virajjituṃ,||
alaṃ vimuccituṃ" ti.|| ||
Idam avoca Bhagavā.|| ||
Idaṃ vatvā Sugato athāparaṃ etad avoca Satthā:|| ||
Pācīnavaṃso Tivarānaṃ||
Rohitassāna Vaṇkako,||
Suppiyānaṃ Suphassā ti||
Māgadhānañca Vepullo.|| ||
Aniccā vata saṇkhārā||
uppāda-vaya-dhammino,||
Uppajjitvā nirujjhanti||
tesaṇ vūpasamo sukho ti,|| ||
Duggata Vagga Dutiya
