Saṁyutta Nikāya
II. Nidāna Vagga
20. Opamma Saṁuttaṁ

Sutta 4

Ukkhā-Sata Suttaṁ aka Okkhā Suttaṁ

 

---

[264]

[1][rhyc][than][olds] EVAṀ ME SUTAṀ:|| ||

Ekaṁ samayaṁ Bhagavā Sāvatthiyaṁ viharati.||
Jetavane Anāthapiṇḍikassa ārāme.|| ||

[2] "Yo bhikkhave, pubbaṇha-samayaṁ ukkhāsataṁ dānaṁ dadeyya,||
yo majjhantikaṁ-samayaṁ ukkhāsataṁ dānaṁ dadeyya,||
yo vā sāyaṇha-samayaṁ ukkhāsataṁ dānaṁ dadeyya,||
yo vā pubbaṇha-samayaṁ antamaso gaddūhana-matta pi mettaṁ cittaṁ bhāveyya,||
yo vā majjhantikaṁ-samayaṁ antamaso gaddūhana-matta pi mettaṁ cittaṁ bhāveyya,||
yo vā sāyaṇha-samayaṁ antamaso gaddūhana-matta pi mettaṁ cittaṁ bhāveyya,||
idaṁ tato maha-p-phalataraṁ.|| ||

[3] Tasmātiha bhikkhave,||
evaṁ sikkhitabbaṁ:|| ||

'Mettā no ceto-vimutti bhāvitā bhavissati||
bahulī-katā yānī-katā vatthu-katā anuṭṭhitā paricitā susamāraddhā' ti.|| ||

Evaṁ hi vo bhikkhave sikkhitabban" ti.|| ||