Saṁyutta Nikāya
II. Nidāna Vagga
21. Bhikkhu Saṁyutta

Sutta 6

Bhaddi or Lakuṇṭaka Bhaddiya Suttaṁ

 

---

[279]

[1][rhyc][niza][bodh][than] EVAṀ ME SUTAṀ:|| ||

Ekaṁ samayaṁ Bhagavā Sāvatthiyaṁ viharati,||
Jetavane Anāthapiṇḍikassa ārāme.|| ||

[2][rhyc][niza] Atha kho āyasmā Lakuṇṭaka Bhaddiyo||
yena Bhagavā ten'upasaṅkami.|| ||

[3][rhyc][niza] Addasā kho Bhagavā āyasmantaṁ Lakuṇṭaka Bhaddiyaṁ dūrato va āga-c-chantaṁ.|| ||

Disvāna bhikkhū āmantesi:|| ||

[4][rhyc][niza] "Passatha no tumhe bhikkhave,||
etaṁ bhikkhuṁ āga-c-chantaṁ||
du-b-baṇṇaṁ||
duddasikaṁ||
okoṭimakaṁ bhikkhūnaṁ paribhūtarūpan" ti?|| ||

"Evaṁ bhante" ti.|| ||

[5][rhyc][niza] Eso kho bhikkhave, bhikkhu mahiddhiko mah-ā-nubhāvo,||
na ca sā samāpatti sulabha-rūpā yā tena bhikkhunā asamāpanna-pubbā.|| ||

Yassa catthāya kula-puttā samma-d-eva agārasmā anagāriyaṁ pabbajanti,||
tad anuttaraṁ Brahma-cariya-pariyosānaṁ diṭṭhe'va dhamme sayaṁ abhiññā sacchi-katvā upasampajja viharatī" ti.|| ||

[6][rhyc][niza] Idam avoca Bhagavā.|| ||

 

---

 

Idaṁ vatvā Sugato athāparaṁ etad avoca Satthā:|| ||

Haṁsā koñcā mayūrā ca||
hatthiyo pasadā migā,||
Sabbe sīhassa bhāyanti||
n'atthi kāyasmiṁ tulyatā.|| ||

Evam eva manussesu||
daharo ce pi paññavā,||
So hi tattha mahā hoti||
n'eva bālo sarīravā' ti.|| ||