Saṁyutta Nikāya
II. Nidāna Vagga
21. Bhikkhu Saṁyutta

Sutta 7

Visākha Pañcāli-Putta Suttaṁ

 

---

[280]

[1][rhyc][bodh] EVAṀ ME SUTAṀ:|| ||

Ekaṁ samayaṁ Bhagavā Vesāliyaṁ viharati||
Mahāvane Kūṭāgāra-sālāyaṁ.|| ||

[2][rhyc] Tena kho pana samayen'āyasmā Visākho Pañcālaputto upaṭṭhāna-sālāyaṁ bhikkhū dhamm-i-kāyā kathāya sandesseti samādapeti samuttejeti sampahaṁseti,||
poriyā vācāya vissaṭhāya anelaga'āya atthassa viññāpaniyā pariyāpannāya anissitāya.|| ||

[3][rhyc] Atha kho Bhagavā sāyaṇha samayaṁ patisallānā vuṭṭhito yena upaṭṭhānasālā ten'upasaṅkami.|| ||

Upasaṅkamitvā paññatte āsane nisīdi.|| ||

[4][rhyc] Nisajja kho Bhagavā bhikkhū āmantesi:|| ||

"Ko nu kho bhikkhave,||
upaṭṭhāna-sālāyaṁ bhikkhū dhammiyā kathāya||
sandesseti||
samādapeti||
samuttejeti||
sampahaṁseti,||
poriyā vācāya vissaṭṭhāya anelaga'āya atthassa viññāpaniyā pariyāpannāya anissitāya" ti?|| ||

[5][rhyc] "Āyasmā bhante, Visākho Pañcālaputto upaṭṭhāna-sālāyaṁ bhikkhū dhammiyā kathāya||
sandessati||
samādapeti||
samuttejeti||
sampahaṁseti,||
poriyā vācāya visisaṭṭhāya anelaga'āya atthassa viññāpaniyā pariyāpannāya anissitāyā" ti.|| ||

[6][rhyc] Atha kho Bhagavā āyasmantaṁ Visākhaṁ Paācāliputtaṁ āmantesi:|| ||

"Sādhu, sādhu, Visākha.|| ||

Sādhu kho tvaṁ Visākha,||
bhikkhū dhammiyā kathāya||
sandassesi||
samādapesi||
samuttejesi||
sampahaṁsesi,||
poriyā vācāya vissaṭṭhāya anelaga'āya atthassa viññāpaniyā pariyāpannāya anissitāyā" ti.|| ||

[7][rhyc] Idam avoca Bhagavā.|| ||

 

---

 

Idaṁ vatvāna Sugato athāparaṁ etad avoca Satthā:|| ||

Na bhāsa-mānaṁ jānanti||
missaṁ bālehi paṇḍitaṁ,||
bhāsa-mānañ ca jānanti||
desentaṁ amataṁ padaṁ.|| ||

Bhāsaye jotaye dhammaṁ||
paggaṇhe isinaṁ dhajaṁ,||
su-bhāsitadhajā isayo||
dhammo hi isinaṁ dhajo' ti.|| ||