Saṁyutta Nikāya
II. Nidāna Vagga
21. Bhikkhu Saṁyutta

Sutta 12

Sahāya Suttaṁ

 

---

[285]

[1][rhyc][bodh] EVAṀ ME SUTAṀ:|| ||

Ekaṁ samayaṁ Bhagavā Sāvatthiyaṁ viharati.||
Jetavane Anāthapiṇḍikassa ārāme.|| ||

[2][rhyc] Atha kho dve bhikkhu sahāyakā āyasmato Mahā-Kappinassa saddhi-vihārino yena Bhagavā ten'upasaṅkamiṁsu.|| ||

[3][rhyc] Addasā kho Bhagavā te bhikkhū dūrato va āga-c-chante.|| ||

[4][rhyc] Disvāna bhikkhū āmantesi:|| ||

Passatha no tumhe bhikkhave,||
ete dve bhikkhū sahāyake āga-c-chante Mahā-Kappinassa saddhi-vihārino' ti?|| ||

"Evaṁ bhante" ti.|| ||

[5][rhyc] Ete kho bhikkhave, bhikkhū mahiddhikā mah-ā-nubhāvā.|| ||

Na ca sā samāpatti sulabha-rūpā yā tehi bhikkhūhi asamāpanna-pubbā.|| ||

Yassa catthāya kula-puttā samma-d-eva agārasmā anagāriyaṁ pabbajanti,||
tad anuttaraṁ Brahma-cariya pariyosānaṁ diṭṭhe'va dhamme sayaṁ abhiññā sacchi katvā upasampajja viharantī' ti.|| ||

[6][rhyc] Idam avoca Bhagavā.|| ||

Idaṁ vatvāna Sugato athāparaṁ etad avoca Satthā:|| ||

Sahāyā vatime bhikkhū||
cirarattaṁ sametikā,
Sameti n'esaṁ Sad'Dhammo||
dhamme buddhappavedite.|| ||

Suvinītā Kappinena||
dhamme ariyappavedite,
Dhārenti antimaṁ dehaṁ||
chetvā Māraṁ savāhininti.|| ||