Saṁyutta Nikāya
3. Khandha Vagga
22. Khandha Saṁyutta
2. Dutiya Anicca Vagga

Sutta 16

Dutiya Yad Anicca Suttaṁ or Yaṁ Dukkha Suttaṁ

 

---

[22]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Rūpaṁ bhikkhave, dukkhaṁ,||
yaṁ dukkhaṁ tad anantā,||
yad anattā taṁ||
'n'etaṁ mama||
n'eso'ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

Vedanā, dukkhaṁ,||
yaṁ dukkhaṁ tad anantā,||
yad anattā taṁ||
'n'etaṁ mama||
n'eso'ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

Saññā, dukkhaṁ,||
yaṁ dukkhaṁ tad anantā,||
yad anattā taṁ||
'n'etaṁ mama||
n'eso'ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

Saṅkhārā, dukkhaṁ,||
yaṁ dukkhaṁ tad anantā,||
yad anattā taṁ||
'n'etaṁ mama||
n'eso'ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

Viññāṇaṁ, dukkhaṁ,||
yaṁ dukkhaṁ tad anantā,||
yad anattā taṁ||
'n'etaṁ mama||
n'eso'ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ" ti.|| ||

Evaṁ passaṁ bhikkhave, sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati||
saṅkhāresu pi nibbindati,||
viññāṇasmim pi nibbindati.|| ||

Nibbindaṁ virajjati,||
virāgā vimuccati,||
vimuttasmiṁ vimuttamiti||
ñāṇaṁ hoti:|| ||

'Khīṇā jāti||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā' ti pajānātī" ti.|| ||