Saṁyutta Nikāya
3. Khandha Vagga
22. Khandha Saṁyutta
2. Dutiya Anicca Vagga

Sutta 18

Paṭhama Hetu Suttaṁ

 

---

[23]

[1][pts][bodh][than] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Rūpaṁ bhikkhave aniccaṁ.|| ||

Yo pi hetu||
yo pi paccayo||
rūpassa uppādāya,||
so pi anicco.|| ||

Anicca-sambhūtaṁ bhikkhave,||
rūpaṁ kuto niccaṁ bhavissati?|| ||

■

"Vedanā bhikkhave aniccaṁ.|| ||

Yo pi hetu||
yo pi paccayo||
vedanāya uppādāya,||
so pi anicco.|| ||

Anicca-sambhūtaṁ bhikkhave,||
vedanā kuto niccaṁ bhavissati?|| ||

■

"Saññā bhikkhave aniccaṁ.|| ||

Yo pi hetu||
yo pi paccayo||
saññāāya uppādāya,||
so pi anicco.|| ||

Anicca-sambhūtaṁ bhikkhave,||
saññā kuto niccaṁ bhavissati?|| ||

■

"Saṅkhārā bhikkhave aniccaṁ.|| ||

Yo pi hetu||
yo pi paccayo||
saṅkhāresu uppādāya,||
so pi anicco.|| ||

Anicca-sambhūtaṁ bhikkhave,||
saṅkhārā kuto niccaṁ bhavissati?|| ||

■

"Viññāṇam bhikkhave aniccaṁ.|| ||

Yo pi hetu||
yo pi paccayo||
viññāṇassa uppādāya,||
so pi anicco.|| ||

Anicca-sambhūtaṁ bhikkhave,||
viññāṇaṁ kuto niccaṁ bhavissati?|| ||

■

Evaṁ passaṁ bhikkhave, sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati||
saṅkhāresu pi nibbindati,||
viññāṇasmim pi nibbindati.|| ||

Nibbindaṁ virajjati,||
virāgā vimuccati,||
vimuttasmiṁ vimuttamiti||
ñāṇaṁ hoti:|| ||

'Khīṇā jāti||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā' ti pajānātī" ti.|| ||