Saṃyutta Nikāya
3. Khandha Vagga
22. Khandha Saṃyutta
2. Dutiya Anicca Vagga

Sutta 19

Dutiya Hetu Suttaṃ

 

---

[23]

[1][pts][bodh][than] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṃ|| ||

Bhagavā etad avoca:|| ||

"Rūpaṃ bhikkhave dukkhaṃ.|| ||

Yo pi hetu||
yo pi paccayo||
rūpassa uppādāya,||
so pi dukkho.|| ||

Dukkha-sambhūtaṃ bhikkhave,||
rūpaṃ kuto sukham bhavissati?|| ||

■

Vedanā bhikkhave dukkhaṃ.|| ||

Yo pi hetu||
yo pi paccayo||
vedanāya uppādāya,||
so pi dukkho.|| ||

Dukkha-sambhūtaṃ bhikkhave,||
vedanā kuto sukham bhavissati?|| ||

■

Saññā bhikkhave dukkhaṃ.|| ||

Yo pi hetu||
yo pi paccayo||
saññāāya uppādāya,||
so pi dukkho.|| ||

Dukkha-sambhūtaṃ bhikkhave,||
saññā kuto sukham bhavissati?|| ||

■

Saṅkhārā bhikkhave dukkhaṃ.|| ||

Yo pi hetu||
yo pi paccayo||
saṅkhāresu uppādāya,||
so pi dukkho.|| ||

Dukkha-sambhūtaṃ bhikkhave,||
saṅkhārā kuto sukham bhavissati?|| ||

■

[24] Viññāṇam bhikkhave dukkhaṃ.|| ||

Yo pi hetu||
yo pi paccayo||
viññāṇassa uppādāya,||
so pi dukkho.|| ||

Dukkha-sambhūtaṃ bhikkhave,||
viññāṇaṃ kuto sukham bhavissati?|| ||

■

Evaṃ passaṃ bhikkhave, sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati||
saṅkhāresu pi nibbindati,||
viññāṇasmim pi nibbindati.|| ||

Nibbindaṃ virajjati,||
virāgā vimuccati,||
vimuttasmiṃ vimuttamiti||
ñāṇaṃ hoti:|| ||

'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||