Saṁyutta Nikāya
3. Khandha Vagga
22. Khandha Saṁyutta
2. Dutiya Anicca Vagga

Sutta 21

Ānanda Suttaṁ

 

---

[24]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Atha kho āyasmā Ānando yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho āyasmā Ānando Bhagavantaṁ etad avoca:|| ||

"'Nirodho nirodho' ti bhante vuccati.|| ||

Katame-sānaṁ kho bhante dhammānaṁ nirodhā nirodho ti vuccatī" ti?|| ||

"Rūpaṁ Ānando aniccaṁ,||
saṅkhataṁ,||
paṭicca-samuppannaṁ,||
khaya-dhammaṁ,||
vaya-dhammaṁ,||
virāga-dhammaṁ,||
nirodha-dhammaṁ.|| ||

Tassa nirodhā 'nirodho' ti vuccati.|| ||

■

Vedanā aniccaṁ,||
saṅkhataṁ,||
paṭicca-samuppannaṁ,||
khaya-dhammaṁ,||
vaya-dhammaṁ,||
virāga-dhammaṁ,||
nirodha-dhammaṁ.|| ||

Tassa nirodhā 'nirodho' ti vuccati.|| ||

■

Saññā aniccaṁ,||
saṅkhataṁ,||
paṭicca-samuppannaṁ,||
khaya-dhammaṁ,||
vaya-dhammaṁ,||
virāga-dhammaṁ,||
nirodha-dhammaṁ.|| ||

Tassa nirodhā 'nirodho' ti vuccati.|| ||

■

Saṅkhārā aniccaṁ,||
saṅkhataṁ,||
paṭicca-samuppannaṁ,||
khaya-dhammaṁ,||
vaya-dhammaṁ,||
virāga-dhammaṁ,||
nirodha-dhammaṁ.|| ||

Tassa nirodhā 'nirodho' ti vuccati.|| ||

■

Viññāṇā aniccaṁ,||
saṅkhataṁ,||
paṭicca-samuppannaṁ,||
khaya-dhammaṁ,||
vaya-dhammaṁ,||
virāga-dhammaṁ,||
nirodha-dhammaṁ.|| ||

Tassa nirodhā 'nirodho' ti vuccati.|| ||

Imesaṁ kho Ānanda dhammānaṁ nirodhā 'nirodho' ti vuccatī" ti.|| ||