Saṁyutta Nikāya
3. Khandha Vagga
22. Khandha Saṁyutta
3. Bhāra Vagga

Sutta 25

Chanda-Rāga Suttaṁ

 

---

[27]

[1][pts][bodh][than] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Yo bhikkhave, rūpasmiṁ chanda-rāgo,||
taṁ pajahatha,||
evaṁ taṁ rūpaṁ pahīnaṁ bhavissati||
ucchinna-mūlā tālā-vatthu-katā anabhāva-katā āyatiṁ anuppāda-dhammaṁ.|| ||

Yo vedanāya chanda-rāgo,||
taṁ pajābhatha,||
evaṁ sā vedanā pahīnā bhavissati||
ucchinna-mūlā tālā-vatthu-katā anabhāva-katā āyatiṁ anuppāda-dhammā.|| ||

Yo saññāya chanda-rāgo||
taṁ pajahatha||
evaṁ taṁ saññāya pahīnaṁ bhavissati||
ucchinna-mūlā tālā-vatthu-katā anabhāva-katā āyatiṁ anuppāda-dhammaṁ.|| ||

Yo Saṅkhāresu chanda-rāgo||
taṁ pajahatha,||
evaṁ te saṅkhārā pahīnaṁ bhavissati||
ucchinna-mūlā tālā-vatthu-katā anabhāva-katā āyatiṁ anuppāda-dhammaṁ.|| ||

Yo viññāṇasmiṁ chanda-rāgo,||
taṁ pajābhatha,||
evaṁ sā viññāṇaṁ pahīnaṁ bhavissati||
ucchinna-mūlā tālā-vatthu-katā anabhāva-katā āyatiṁ anuppāda-dhammaṁ" ti.|| ||