Saṁyutta Nikāya
3. Khandha Vagga
22. Khandha Saṁyutta
3. Bhāra Vagga

Sutta 26

Paṭhama Assāda Suttaṁ

 

---

[27]

[1][pts][bodh][than] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Pubbe me bhikkhave,||
sambodhā anabhi-sambuddhassa||
bodhisattassa sato etad ahosi:|| ||

'Ko nu kho rūpassa assādo,||
ko ādīnavo,||
kiṁ nissaraṇaṁ?|| ||

Ko vedanāya assādo,||
ko ādīnavo||
kiṁ nissaraṇaṁ?|| ||

Ko nu kho saññāya assādo,||
ko ādīnavo,||
kiṁ nissaraṇaṁ?|| ||

Ko nu kho saṅkhārānaṁ assādo,||
ko ādīnavo,||
kiṁ nissaraṇaṁ?|| ||

Ko nu kho viññāṇassa assādo,||
ko ādīnavo,||
kiṁ nissaraṇaṁ?'|| ||

 

§

 

[28] Tassa mayhaṁ bhikkhave etad ahosi:|| ||

'Yaṁ kho rūpaṁ paṭicca uppajjati sukhaṁ somanassaṁ,||
ayaṁ rūpassa assādo.|| ||

Yaṁ rūpaṁ aniccaṁ dukkhaṁ vipariṇāma-dhammaṁ,||
ayaṁ rūpassa ādinavo.|| ||

Yo rūpasmiṁ chanda-rāga-vinayo chanda-rāga-p-pahānaṁ,||
idaṁ rūpasasa nissaraṇaṁ.|| ||

■

Yaṁ vedanaṁ paṭicca uppajjati sukhaṁ somanassaṁ,||
ayaṁ vedanassa assādo.|| ||

Yaṁ vedanaṁ aniccaṁ dukkhaṁ vipariṇāmadhammaṁ,||
ayaṁ vedanassa ādinavo.|| ||

Yo vedanasmiṁ chanda-rāga-vinayo chanda-rāga-p-pahānaṁ,||
idaṁ vedanassa nissaraṇaṁ.|| ||

■

Yaṁ saññaṁ paṭicca uppajjati sukhaṁ somanassaṁ,||
ayaṁ saññassa assādo.|| ||

Yaṁ saññaṁ aniccaṁ dukkhaṁ vipariṇāmadhammaṁ,||
ayaṁ saññassa ādinavo.|| ||

Yo saññasmiṁ chanda-rāga-vinayo chanda-rāga-p-pahānaṁ,||
idaṁ saññassa nissaraṇaṁ.|| ||

■

Yaṁ saṅkhāre paṭicca uppajjati sukhaṁ somanassaṁ,||
ayaṁ saṅkhārānaṁ assādo.|| ||

Ye saṅkhārā aniccā dukkhā vipariṇāmadhammā,||
ayaṁ saṅkhārānaṁ ādinavo.|| ||

Yo saṅkhāresu chanda-rāga-vinayo chanda-rāga-p-pahānaṁ,||
idaṁ saṅkhārānaṁ nissaraṇaṁ.|| ||

■

Yaṁ viññāṇaṁ paṭicca uppajjati sukhaṁ somanassaṁ,||
ayaṁ viññāṇassa assādo.|| ||

Yaṁ viññāṇaṁ aniccaṁ dukkhaṁ vipariṇāmadhammaṁ,||
ayaṁ viññāṇassa ādinavo.|| ||

Yo viññāṇasmiṁ chanda-rāga-vinayo chanda-rāga-p-pahānaṁ,||
idaṁ viññāṇassa nissaraṇaṁ.'|| ||

 

§

 

Yāva kīvañc'āhaṁ bhikkhave imesaṁ pañcannaṁ upādāna-k-khandhānaṁ||
evaṁ assādañ ca||
assādato ādīnavañ ca||
ādīnavato nissaraṇañ ca||
nissaraṇato yathā-bhūtaṁ na abbhaññāsiṁ,||
n'eva tāvāhaṁ bhikkhave,||
sa-devake loke sa-Mārake sa-brahmake sa-s-samaṇa-brāhmaṇiyā pajāya sadeva-manussāya anuttaraṁ sammā-sambodhiṁ abhisambuddhoti paccaññāsiṁ.|| ||

Yato ca kho'haṁ bhikkhave imesaṁ pañcannaṁ upādāna-k-khandhānaṁ||
evaṁ assādañ ca||
assādato ādīnavañ ca||
ādīnavato nissaraṇañ ca||
nissaraṇato yathā-bhūtaṁ abbhaññāsiṁ,||
ath'āhaṁ bhikkhave,||
sa-devake loke sa-Mārake sa-brahmake sa-s-samaṇa-brahmaṇiyā pajāya sadeva-manussāya anuttaraṁ sammā-sambodhiṁ abhisambuddhoti paccaññāsiṁ.|| ||

Ñāṇañ ca pana me dassanaṁ udapādi:|| ||

'Akuppā me ceto-vimutti,||
ayam antimā jāti||
n'atthi-dāni puna-b-bhavo'" ti.|| ||