Saṁyutta Nikāya
3. Khandha Vagga
22. Khandha Saṁyutta
3. Bhāra Vagga

Sutta 27

Dutiya Assāda Suttaṁ

 

---

[29]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Rūpassāhaṁ bhikkhave, assāda-pariyesanaṁ acariṁ,||
yo rūpassa assādo tad ajjhagamaṁ.|| ||

Yāvatā rūpassa assādo paññāya me so su-diṭṭho.|| ||

Rūpassāhaṁ bhikkhave, ādīnava-pariyesanaṁ acariṁ,||
yo rūpassa ādīnavo tad ajjhagamaṁ.|| ||

Yāvatā rūpassa ādīnavo paññāya me so su-diṭṭho.|| ||

Rūpassāhaṁ bhikkhave, nissaraṇa-pariyesanaṁ acariṁ||
yaṁ rūpassa nissaraṇaṁ tad ajjhagamaṁ.|| ||

Yāvatā rūpassa nissaraṇaṁ paññāya me taṁ su-diṭṭhaṁ.|| ||

■

Vedanāyāhaṁ bhikkhave, assāda-pariyesanaṁ acariṁ,||
yo vedanassa assādo tad ajjhagamaṁ.|| ||

Yāvatā vedanassa assādo paññāya me so su-diṭṭho.|| ||

Vedanāyāhaṁ bhikkhave, ādīnavapariyesanaṁ acariṁ,||
yo vedanassa ādīnavo tad ajjhagamaṁ.|| ||

Yāvatā vedanassa ādīnavo paññāya me so su-diṭṭho.|| ||

Vedanāyāhaṁ bhikkhave, nissaraṇa-pariyesanaṁ acariṁ||
yaṁ vedanassa nissaraṇaṁ tad ajjhagamaṁ.|| ||

Yāvatā vedanassa nissaraṇaṁ paññāya me taṁ su-diṭṭhaṁ.|| ||

■

Saññāyāhaṁ bhikkhave, assāda-pariyesanaṁ acariṁ,||
yo saññassa assādo tad ajjhagamaṁ.|| ||

Yāvatā saññassa assādo paññāya me so su-diṭṭho|| ||

Saññāyāhaṁ bhikkhave ādīnavapariyesanaṁ acariṁ,||
yo saññassa ādīnavo tad ajjhagamaṁ.|| ||

Yāvatā saññassa ādīnavo paññāya me so su-diṭṭho.|| ||

Saññāyāhaṁ bhikkhave, nissaraṇa-pariyesanaṁ acariṁ||
yaṁ saññassa nissaraṇaṁ tad ajjhagamaṁ.|| ||

Yāvatā saññassa nissaraṇaṁ paññāya me taṁ su-diṭṭhaṁ.|| ||

■

Saṅkhārānāhaṁ bhikkhave, assāda-pariyesanaṁ acariṁ,||
yo saṅkhāresu assādo tad ajjhagamaṁ.|| ||

Yāvatā saṅkhāresu assādo paññāya me so su-diṭṭho|| ||

Saṅkhārānāhaṁ bhikkhave ādīnavapariyesanaṁ acariṁ,||
yo saṅkhāresu ādīnavo tad ajjhagamaṁ.|| ||

Yāvatā saṅkhāresu ādīnavo paññāya me so su-diṭṭho.|| ||

Saṅkhārānāhaṁ bhikkhave, nissaraṇa-pariyesanaṁ acariṁ||
yaṁ saṅkhāresu nissaraṇaṁ tad ajjhagamaṁ.|| ||

Yāvatā saṅkhāresu nissaraṇaṁ paññāya me taṁ su-diṭṭhaṁ.|| ||

■

Viññāṇassāhaṁ bhikkhave, assāda-pariyesanaṁ acariṁ,||
yo viññāṇassa assādo tad ajjhagamaṁ.|| ||

Yāvatā viññāṇassa assādo paññāya me so su-diṭṭho|| ||

Viññāṇassāhaṁ bhikkhave ādīnavapariyesanaṁ acariṁ,||
yo viññāṇassa ādīnavo tad ajjhagamaṁ.|| ||

Yāvatā viññāṇassa ādīnavo paññāya me so su-diṭṭho.|| ||

Viññāṇassāhaṁ bhikkhave, nissaraṇa-pariyesanaṁ acariṁ||
yaṁ viññāṇassa nissaraṇaṁ tad ajjhagamaṁ.|| ||

Yāvatā viññāṇassa nissaraṇaṁ paññāya me taṁ su-diṭṭhaṁ.|| ||

 

---

 

Yāva kīvañc'āhaṁ bhikkhave imesaṁ pañcannaṁ upādāna-k-khandhānaṁ||
evaṁ assādañ ca||
assādato ādīnavañ ca||
ādīnavato nissaraṇañ ca||
nissaraṇato yathā-bhūtaṁ na abbhaññāsiṁ,||
n'eva tāvāhaṁ bhikkhave,||
sa-devake loke sa-Mārake sa-brahmake sa-s-samaṇa-brāhmaṇiyā pajāya sadeva-manussāya anuttaraṁ sammā-sambodhiṁ abhisambuddhoti paccaññāsiṁ.|| ||

Yato ca kho'haṁ bhikkhave imesaṁ pañcannaṁ upādāna-k-khandhānaṁ||
evaṁ assādañ ca||
assādato ādīnavañ ca||
ādīnavato nissaraṇañ ca||
nissaraṇato yathā-bhūtaṁ abbhaññāsiṁ,||
ath'āhaṁ bhikkhave,||
sa-devake loke sa-Mārake sa-brahmake sa-s-samaṇa-brahmaṇiyā pajāya sadeva-manussāya anuttaraṁ sammā-sambodhiṁ abhisambuddhoti paccaññāsiṁ.|| ||

Ñāṇañ ca pana me dassanaṁ udapādi:|| ||

'Akuppā me ceto-vimutti,||
ayam antimā jāti n'atthi-dāni puna-b-bhavo'" ti.|| ||