Saṁyutta Nikāya
3. Khandha Vagga
22. Khandha Saṁyutta
3. Bhāra Vagga

Sutta 28

Tatiya Assāda Suttaṁ

 

---

[29]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

3. "No cedaṁ bhikkhave, rūpassa assādo abhavissa,||
na [30] yidaṁ sattā rūpasmiṁ sārajjyyuṁ.|| ||

Yasmā ca kho bhikkhave, atthi rūpassa assādo,||
tasmā sattā rūpasmiṁ sārajjanti.|| ||

4. No cedaṁ bhikkhave, rūpassa ādīnavo abhavissa,||
na yidaṁ sattā rūpasmiṁ nibbindeyyuṁ.|| ||

Yasmā ca kho bhikkhave, atthī rūpassa ādīnavo,||
tasmā sattā rūpasmiṁ nibbindanti.|| ||

5. No cedaṁ bhikkhave rūpassa nissaraṇaṁ abhavissa||
na yidaṁ sattā rūpasmā nissareyyuṁ.|| ||

Yasmā ca kho bhikkhave atthi rūpassa nissaraṇam||
tasmā sattā rūpasmā nissaranti.|| ||

■

No cedaṁ bhikkhave, vedanāya assādo abhavissa,||
na yidaṁ sattā vedanassa sārajjyyuṁ.|| ||

Yasmā ca kho bhikkhave, atthī vedanassa assādo,||
tasmā sattā vedanāsmiṁ sārajjanti.|| ||

No cedaṁ bhikkhave, vedanāya ādīnavo abhavissa,||
na yidaṁ sattā vedanāsmiṁ nibbindeyyuṁ.|| ||

Yasmā ca kho bhikkhave, atthī vedanāya ādīnavo,||
tasmā sattā vedanāsmiṁ nibbindanti.|| ||

No cedaṁ bhikkhave vedanāya nissaraṇaṁ abhavissa||
na yidaṁ sattā vedanāsmiṁ nissareyyuṁ.|| ||

Yasmā ca kho bhikkhave atthi vedanāya nissaraṇam||
tasmā sattā vedanāsmiṁ nissaranti.|| ||

■

No cedaṁ bhikkhave, saññāya assādo abhavissa,||
na yidaṁ sattā saññāssa nibbindeyyuṁ.|| ||

Yasmā ca kho bhikkhave, atthī saññassa ādīnavo,||
tasmā sattā saññasmiṁ nibbindanti.|| ||

No cedaṁ bhikkhave, saññāya ādīnavo abhavissa,||
na yidaṁ sattā saññasmiṁ nibbindeyyuṁ.|| ||

Yasmā ca kho bhikkhave, atthī saññassa ādīnavo,||
tasmā sattā saññasmiṁ nibbindanti.|| ||

No cedaṁ bhikkhave saññāya nissaraṇaṁ abhavissa||
na yidaṁ sattā saññasmiṁ nissareyyuṁ.|| ||

Yasmā ca kho bhikkhave atthi saññassa nissaraṇam||
tasmā sattā saññasmiṁ nissaranti.|| ||

■

No cedaṁ bhikkhave, saṅkhārassa assādo abhavissa,||
na yidaṁ sattā saṅkhārasmiṁ sārajjyyuṁ.|| ||

Yasmā ca kho bhikkhave, atthī saṅkhārassa assādo,||
tasmā sattā saṅkhārasmiṁ sārajjanti.|| ||

No cedaṁ bhikkhave, saṅkhārassa ādīnavo abhavissa,||
na yidaṁ sattā saṅkhārasmiṁ nibbindeyyuṁ.|| ||

Yasmā ca kho bhikkhave, atthī saṅkhārassa ādīnavo,||
tasmā sattā saṅkhārasmiṁ nibbindanti.|| ||

No cedaṁ bhikkhave saṅkhārassa nissaraṇaṁ abhavissa||
na yidaṁ sattā saṅkhārasmiṁ nissareyyuṁ.|| ||

Yasmā ca kho bhikkhave atthi saṅkhārassa nissaraṇam||
tasmā sattā saṅkhārasmiṁ nissaranti.|| ||

■

No cedaṁ bhikkhave, viññāṇassa assādo abhavissa,||
na yidaṁ sattā viññāṇasmiṁ sārajjeyyuṁ.|| ||

Yasmā ca kho bhikkhave, atthī viññāṇassa assādo,||
tasmā sattā viññāṇasmiṁ sārajjanti.|| ||

No cedaṁ bhikkhave, viññāṇassa ādīnavo abhavissa,||
na yidaṁ sattā viññāṇasmiṁ nibbindeyyuṁ.|| ||

Yasmā ca kho bhikkhave atthī viññāṇassa ādīnavo,||
tasmā sattā viññāṇasmiṁ nibbindanti.|| ||

No cedaṁ bhikkhave, viññāṇassa nissaraṇaṁ abhavissa,||
na yidaṁ sattā viññāṇasmā nissareyyuṁ.|| ||

Yasmā ca kho bhikkhave, atthī viññāṇassa nissaraṇaṁ,||
tasmā sattā viññāṇasmā nissaranti.|| ||

 

§

 

Yāvakīvañ ca bhikkhave, sattā imesaṁ pañcannaṁ upādāna-k-khandhānaṁ assādañ ca assādato ādīnavañ ca ādīnavato nissaraṇañ ca nissaraṇato yathā-bhūtaṁ nābbhaññaṁsu,||
n'eva tāva bhikkhave,||
sattā sa-devakā lokā sa-Mārakā [31] sabrahmakā sa-s-samaṇa-brāhmaṇi pajā sadeva-manussā nissaṭā visaññuttā vippamuttā vimariyādikatena cetasā vihariṁsu.|| ||

Yato ca kho bhikkhave, sattā imesaṁ pañcannaṁ upādāna-k-khandhānaṁ assādañ ca assādato ādīnavañ ca ādīnavato nissaraṇañ ca nissaraṇato yathā-bhūtaṁ abbhaññaṁsu,||
atha kho bhikkhave,||
sattā sa-devakā lokā sa-Mārakā sabrahmakā sa-s-samaṇa-brāhmaṇi pajā sadeva-manussā nissaṭā visaññuttā vippamuttā vimariyādikatena cetasā viharantī" ti.|| ||