Saṁyutta Nikāya
3. Khandha Vagga
22. Khandha Saṁyutta
5. Atta-Dīpa Vagga

Sutta 44

Paṭipadā Suttaṁ

 

---

[43]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

[44] "Sakkāya-samudaya-gāminiñ ca vo bhikkhave,||
paṭipadaṁ desissāmi,||
sakkāya-nirodha-gāminiñ ca paṭipadaṁ.|| ||

Taṁ suṇatha,||
sādhukaṁ manasi-karotha||
bhāsissāmī" ti.|| ||

"Evaṁ bhante" ti||
kho te bhikkhū Bhagavato paccassosuṁ.|| ||

Bhagavā etad avoca.|| ||

"Katamā ca bhikkhave, sakkāya-samudaya-gāminī paṭipadā?|| ||

Idha, bhikkhave, a-s-sutavā puthujjano||
ariyānaṁ adassāvī||
ariya-Dhammassa||
akovido ariya-Dhamme avinīto,||
sappurisānaṁ adassāvī||
sappurisa-Dhammassa||
akovido sappurisa-Dhamme avinīto,||
rūpaṁ attato samanupassati,||
rūpavantaṁ vā attāṇaṁ,||
attani vā rūpaṁ,||
rūpasmiṁ vā attāṇaṁ;|| ||

vedanaṁ attato samanupassati,||
vedanā-vantaṁ vā attāṇaṁ||
attani vā vedanaṁ,||
vedanāya vā attāṇaṁ;|| ||

saññaṁ attato samanupassati,||
saññaṁ vā attāṇaṁ,||
attani vā saññaṁ,||
saññasmiṁ vā attāṇaṁ;|| ||

saṅkhāre attato samanupassati,||
saṅkhāraṁ vā attāṇaṁ,||
attani vā saṅkhāraṁ||
saṅkhārasmiṁ vā attāṇaṁ;|| ||

viññāṇaṁ attato samanupassati,||
viññāṇa-vantaṁ vā attāṇaṁ||
attani vā viññāṇaṁ,||
viññāṇasmiṁ vā attāṇaṁ|| ||

Ayaṁ vuccati bhikkhave:|| ||

'Sakkāya-samudaya-gāminī-paṭipadā' ti.|| ||

Itih'idaṁ bhikkhave, vuccati:|| ||

'Dukkha-samudaya-gāminī samanupassanā' ti.|| ||

Ayam evettha attho.|| ||

 

§

 

Katamā ca bhikkhave, sakkāya-nirodha-gāminī paṭipadā?|| ||

Idha, bhikkhave,||
sutvā ariya-sāvako||
ariyānaṁ dassāvī||
ariya-Dhammassa||
kovido ariya-Dhamme suvinīto||
sappurisānaṁ dassāvī||
sappurisa-Dhammassa||
kovido sappurisa-Dhamme suvinīto,||
na rūpaṁ attato samanupassati,||
na rūpavantaṁ vā attāṇaṁ||
na attani vā rūpaṁ||
na rūpasmiṁ vā attāṇaṁ;|| ||

na vedanaṁ attato samanupassati||
na vedanā-vantaṁ vā attāṇaṁ||
na attani vā vedanaṁ,||
na vedanasmiṁ vā attāṇaṁ,|| ||

na saññaṁ attato samanupassati,||
na saññā-vantaṁ vā attāṇaṁ||
na attani vā saññaṁ,||
na saññasmiṁ vā attāṇaṁ|| ||

na saṅkhāre attato samanupassati,||
na saṅkhāra-vantaṁ vā attāṇaṁ,||
na attani vā saṅkhāraṁ,||
na saṅkhārasmiṁ vā attāṇaṁ;|| ||

na viññāṇaṁ attato samanupassati,||
na viññāṇa-vantaṁ vā attāṇaṁ,||
na attani vā viññāṇaṁ||
na viññāṇasmiṁ vā attāṇaṁ.|| ||

Ayaṁ vuccati bhikkhave:|| ||

'Sakkāya-samudaya-gāminī-paṭipadā sakkāya-nirodha-gāminī paṭipadā' ti.|| ||

Itih'idaṁ bhikkhave, vuccati:|| ||

'Dukkha-samudaya-gāminī samanupassanā' ti.|| ||

Ayam evettha attho'" ti.|| ||