Saṁyutta Nikāya
3. Khandha Vagga
22. Khandha Saṁyutta
5. Atta-Dīpa Vagga

Sutta 46

Dutiya Aniccatā Suttaṁ

 

---

[45]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Rūpaṁ bhikkhave aniccaṁ||
yad aniccaṁ taṁ dukkhaṁ||
yaṁ dukkhaṁ tad anattā||
yad anattā taṁ||
'n'etaṁ mama,||
n'eso ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

"Vedanā bhikkhave aniccaṁ||
yad aniccaṁ taṁ dukkhaṁ||
yaṁ dukkhaṁ tad anattā||
yad anattā taṁ||
'n'etaṁ mama,||
n'eso ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

"Saññā bhikkhave aniccaṁ||
yad aniccaṁ taṁ dukkhaṁ||
yaṁ dukkhaṁ tad anattā||
yad anattā taṁ||
'n'etaṁ mama,||
n'eso ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

"Saṅkhārā bhikkhave aniccaṁ||
yad aniccaṁ taṁ dukkhaṁ||
yaṁ dukkhaṁ tad anattā||
yad anattā taṁ||
'n'etaṁ mama,||
n'eso ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

■

"Viññāṇaṁ bhikkhave aniccaṁ||
yad aniccaṁ taṁ dukkhaṁ||
yaṁ dukkhaṁ tad anattā||
yad anattā taṁ||
'n'etaṁ mama,||
n'eso ham asmi,||
na me so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ.|| ||

 

§

 

Evam etaṁ yathā-bhūtaṁ samma-p-paññāya passato||
pubbant-ā-nudiṭṭhiyo na honti;||
pubbant-ā-nudiṭṭhīnaṁ asati,||
[46] aparant-ā-nudiṭṭhiyo na honti;||
aparant-ā-nudiṭṭhīnaṁ asati||
thāmasā parāmāso na hoti;||
thāmasā parāmāse asati||
rūpasmiṁ||
vedanāya||
saññāya||
saṅkhāresu||
viññāṇasmiṁ||
cittaṁ virajjati,||
vimuccati anupādāya āsavehi,||
vimutt'attā ṭhitaṁ,||
ṭhitattā santusitaṁ,||
santusitattā na paritassati,||
aparitassaṁ paccattaṁ yeva parinibkhāyati.|| ||

'Khiṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā' ti||
pajānātī" ti.|| ||