Saṁyutta Nikāya
3. Khandha Vagga
22. Khandha Saṁyutta
5. Atta-Dīpa Vagga

Sutta 51

Paṭhama Nandi-k-Khaya Suttaṁ

 

---

[51]

[1][pts][bodh][olds] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṁ|| ||

Bhagavā etad avoca:|| ||

"Aniccaṁ yeva bhikkhave,||
bhikkhu rūpaṁ||
'aniccan' ti passati.|| ||

Yāyaṁ hoti sammā-diṭṭhi,||
sammāpassaṁ nibbindati.|| ||

Nandi-k-khayā rāga-k-khayo,||
rāga-k-khayā nandi-k-khayo.|| ||

Nandi-rāga-k-khayā cittaṁ vimuttaṁ||
'su-vimuttan' ti vuccati.|| ||

■

Aniccaṁ yeva bhikkhave,||
bhikkhu vedanaṁ||
'aniccan' ti passati.|| ||

Yāyaṁ hoti sammā-diṭṭhi,||
sammāpassaṁ nibbindati.|| ||

Nandi-k-khayā rāga-k-khayo,||
rāga-k-khayā nandi-k-khayo.|| ||

Nandi-rāga-k-khayā cittaṁ vimuttaṁ||
'su-vimuttan' ti vuccati.|| ||

■

Aniccaṁ yeva bhikkhave,||
bhikkhu saññaṁ||
'aniccan' ti passati.|| ||

Yāyaṁ hoti sammā-diṭṭhi,||
sammāpassaṁ nibbindati.|| ||

Nandi-k-khayā rāga-k-khayo,||
rāga-k-khayā nandi-k-khayo.|| ||

Nandi-rāga-k-khayā cittaṁ vimuttaṁ||
'su-vimuttan' ti vuccati.|| ||

■

Aniccaṁ yeva bhikkhave,||
bhikkhu saṅkhāre||
'aniccan' ti passati.|| ||

Yāyaṁ hoti sammā-diṭṭhi,||
sammāpassaṁ nibbindati.|| ||

Nandi-k-khayā rāga-k-khayo,||
rāga-k-khayā nandi-k-khayo.|| ||

Nandi-rāga-k-khayā cittaṁ vimuttaṁ||
'su-vimuttan' ti vuccati.|| ||

■

Aniccaṁ yeva bhikkhave,||
bhikkhu viññāṇaṁ||
'aniccan' ti passati.|| ||

Yāyaṁ hoti sammā-diṭṭhi,||
sammāpassaṁ nibbindati.|| ||

Nandi-k-khayā rāga-k-khayo,||
rāga-k-khayā nandi-k-khayo.|| ||

Nandi-rāga-k-khayā cittaṁ vimuttaṁ||
'su-vimuttan' ti vuccatī" ti.|| ||