Saṁyutta Nikāya
3. Khandha Vagga
22. Khandha Saṁyutta
6. Upāya Vagga

Sutta 53

Upaya Suttaṁ

 

---

 

[1][pts][than][wrrn][olds][bodh] Sāvatthiyaṁ:|| ||

3. "Upayo bhikkhave,||
avimutto,||
anupayo vimutto.|| ||

Rūpūpayaṁ bhikkhave, viññāṇaṁ tiṭṭha-mānaṁ tiṭṭheyya,||
rūp-ā-rammaṇaṁ rūpa-p-patiṭṭhaṁ nandūpasevanaṁ vuḍḍhiṁ virūḷahiṁ vepullaṁ āpajjeyya.|| ||

Saṅkhār'ūpayaṁ vā bhikkhave, viññāṇaṁ tiṭṭha-mānaṁ tiṭṭheyya,||
saṅkhārā'rammaṇaṁ saṅkhāra-p-patiṭṭhaṁ nandūpasecanaṁ vuḍḍhiṁ virūḷahiṁ vepullaṁ āpajjeyya.|| ||

5. Yo bhikkhave evaṁ vadeyya:|| ||

Aham aññatra rūpā||
aññatra vedanāya||
aññatra saññāya||
aññatra saṅkhārehi||
viññāṇassa āgatiṁ vā||
gatiṁ vā||
cutiṁ vā||
uppattiṁ vā||
vuḍḍhiṁ vā||
virūḷhiṁ vā||
vepullaṁ vā||
paññāpessāmīti||
n'etaṁ ṭhānaṁ vijjati.|| ||

6. Rūpa dhātuyā ce bhikkhave,||
bhikkhuno rāgo pahīno hoti,||
rāgassa pahānā vocchijjat-ā-rammaṇaṁ,||
patiṭṭhā viññāṇassa na hoti.|| ||

7. Vedanāya dhātuyā ce bhikkhave,||
bhikkhuno rāgo pahīno hoti,||
rāgassa pahānā vocchijjat-ā-rammaṇaṁ,||
patiṭṭhā viññāṇassa na hoti.|| ||

8. Saññā dhātuyā ce bhikkhave,||
bhikkhuno rāgo pahīno hoti,||
rāgassa pahānā vocchijjat-ā-rammaṇaṁ,||
patiṭṭhā viññāṇassa na hoti.|| ||

9. Saṅkhāra dhātuyā ce bhikkhave,||
bhikkhuno rāgassa pahino hoti,||
rāgassa pahānā vocchijjat-ā-rammaṇaṁ,||
patiṭṭhā viññāṇassa na hoti.|| ||

10. Viññāṇa dhātuyā ce bhikkhave,||
bhikkhunā rāgo pahīno hoti,||
rāgassa pahānā vocchijjat-ā-rammaṇaṁ,||
patiṭṭhā viññāṇassa na hoti.|| ||

11. Tad appatiṭṭaṭhitaṁ||
viññāṇaṁ avirūḷhaṁ||
anabhisaṁ- [54] khārañ ca vimuttaṁ,||
vimutt'attā ṭhitaṁ||
ṭhitattā santusitaṁ,||
santusitattā na paritassati||
aparitassaṁ paccattaññ eva parinibbāyati.|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā' ti pajānātī" ti.|| ||