Saṁyutta Nikāya
3. Khandha Vagga
22. Khandha Saṁyutta
7. Arahatta Vagga

Sutta 64

Maññamāna Suttaṁ

 

---

[74]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Atha kho aññataro bhikkhu yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho so bhikkhu Bhagavantaṁ [75] etad avoca:|| ||

"Sādhu me bhante Bhagavā saṅkhittena dhammaṁ desetu,||
yam ahaṁ Bhagavato dhammaṁ sutvā eko vūpakaṭṭho appamatto ātāpi pahit'atto vihareyyan" ti.|| ||

"Maññamāno kho bhikkhu, baddho Mārassa,||
anmañña-māno mutto pāpimato" ti.|| ||

Aññātaṁ Bhagavā!|| ||

Aññātaṁ sugatā!" ti.|| ||

"Yathā kathaṁ pana tvaṁ bhikkhu,||
mayā saṅkhittena bhāsitassa vitthārena atthaṁ ājānāsī" ti?|| ||

"Rūpaṁ kho bhante, mañña-māno baddho Mārassa,||
anmañña-māno mutto pāpimato.|| ||

Vedanaṁ mañña-māno baddho Mārassa,||
anmañña-māno mutto pāpimato.|| ||

Saññaṁ mañña-māno baddho Mārassa,||
anmañña-māno mutto pāpimato.|| ||

Saṅkhāra mañña-māno baddho Mārassa,||
anmañña-māno mutto pāpimato.|| ||

Viññāṇaṁ mañña-māno baddho Mārassa,||
anmañña-māno mutto pāpimato.|| ||

Imssa khv'āhaṁ bhante, Bhagavatā||
saṅkhittena bhāsitassa evaṁ vitthārena atthaṁ ājānāmī" ti.|| ||

"Sādhu sādhu bhikkhu!|| ||

Sādhu kho tvaṁ bhikkhu,||
mayā saṅkhittena bhāsitassa vitthārena atthaṁ ājānāsi.|| ||

Rūpaṁ kho bhikkhu, mañña-māno baddho Mārassa,||
anmañña-māno mutto pāpimato.|| ||

Vedanaṁ mañña-māno baddho Mārassa,||
anmañña-māno mutto pāpimato.|| ||

Saññaṁ mañña-māno baddho Mārassa,||
anmañña-māno mutto pāpimato.|| ||

Saṅkhāre mañña-māno baddho Mārassa,||
anmañña-māno mutto pāpimato.|| ||

Viññāṇaṁ mañña-māno baddho Mārassa,||
anmañña-māno mutto pāpimato.|| ||

Imassa kho bhikkhu,||
mayā saṅkhittena bhāsitassa evaṁ vitthārena attho daṭṭhabbo" ti.|| ||

Atha kho so bhikkhu Bhagavato bhāsitaṁ abhinan'ditvā anumo-ditvā uṭṭhāy āsanā Bhagavantaṁ abhivādetvā padakkhiṇaṁ katvā pakkāmi.|| ||

Atha kho so bhikkhu eko vūpakaṭṭho||
appamatto||
ātāpī||
pahit'atto viharanto||
na cirass'eva yass'atthāya kula-puttā samma-d-eva agārasmā anagāriyaṁ pabbajanti,||
tad anuttaraṁ Brahma-cariya pariyosānaṁ diṭṭhe'va dhamme sayaṁ abhiññā sacchi-katvā upasampajja vihāsi:|| ||

'Khīṇā jāti,||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā' ti abbhaññāsi.|| ||

Aññataro ca pana so bhikkhu arahataṁ ahosīti.|| ||