Saṁyutta Nikāya
3. Khandha Vagga
22. Khandha Saṁyutta
7. Arahatta Vagga

Sutta 72

Surādha Suttaṁ

 

---

[80]

[1][pts][bodh] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Atha kho āyasmā Surādho yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Ekam anataṁ nisinno kho āyasmā Surādho Bhagavantaṁ etad avoca:|| ||

"Kathannu kho bhante,||
jānato kathaṁ passato imasmiṁ ca saviññāṇake kāye bahiddhā ca sabba-nimittesu ahiṅkāramamiṅkāra mānāpagataṁ mānasaṁ hoti,||
vidhā samatikkantaṁ santaṁ su-vimuttan" ti?|| ||

"Yaṁ kiñci Surādha, rūpaṁ||
atīt-ā-nāgata-pacc'uppannaṁ ajjhattaṁ vā bahiddhā vā oḷārikaṁ vā||
sukhumaṁ vā hīnaṁ vā||
paṇītaṁ vā yaṁ dūre santike vā||
sabbaṁ rūpaṁ||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yā kāci vedanā atīt-ā-nāgatapacc'uppannā ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā sabbaṁ vedanā||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yā kāci saññā atīt-ā-nāgatapacc'uppannā ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā sabbaṁ saññā||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yā kāci saṅkhārā atīt-ā-nāgata-pacc'uppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā sabbaṁ saṅkhāre||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yaṁ kañci viññāṇaṁ atīt-ā-nāgata-pacc'uppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā sabbaṁ viññāṇaṁ||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

Evaṁ kho Surādha,||
jānato evaṁ passato||
imasmiṁ ca saviññāṇake kāye bahiddhā ca sabba-nimittesu ahiṅkāramami-ṁ-kāramānāpagataṁ mānasaṁ hoti,||
vidhā samatikkantaṁ santaṁ su-vimuttan" ti.|| ||

Atha kho so Surādho Bhagavato bhāsitaṁ abhinan'ditvā anumo-ditvā uṭṭhāy āsanā Bhagavantaṁ abhivādetvā padakkhiṇaṁ katvā pakkāmi.|| ||

Atha kho so Surādho eko vūpakaṭṭho||
appamatto||
ātāpī||
pahit'atto viharanto||
na cirass'eva yass'atthāya kula-puttā samma-d-eva agārasmā anagāriyaṁ pabbajanti,||
tad anuttaraṁ Brahma-cariya pariyosānaṁ diṭṭhe'va dhamme sayaṁ abhiññā sacchi-katvā upasampajja vihāsi:|| ||

"Khīṇā jāti,||
vusitaṁ Brahma-cariyaṁ||
kataṁ karaṇīyaṁ||
nāparaṁ itthattāyā" ti abbhaññāsi.|| ||

Aññataro ca pana so bhikkhu arahataṁ ahosīti.|| ||