Saṁyutta Nikāya
3. Khandha Vagga
22. Khandha Saṁyutta
10. Puppha Vagga

Sutta 96

Gomaya-Piṇḍ'Upama Suttaṁ

 

---

[143]

[1][pts][bodh][than] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho so bhikkhu Bhagavantaṁ etad avoca:|| ||

"Atthi nu kho bhante, kiñci rūpaṁ yaṁ rūpaṁ||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati?|| ||

Atthi nu kho bhante, kāci vedanā yā vedanā||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati?|| ||

Atthi nu kho bhante, kāci saññā yā saññā||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati?|| ||

Atthi nu kho bhante, keci saṅkhārā ye saṅkhārā||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati?|| ||

Atthi nu kho bhante, kiñci viññāṇaṁ yaṁ viññāṇaṁ||
[144] niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati" ti?|| ||

■

"N'atthi kho bhikkhu, kiñci rūpaṁ yaṁ rūpaṁ||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati.|| ||

N'atthi kho bhikkhu, kāci vedanā yā vedanā||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati.|| ||

N'atthi kho bhikkhu, kāci saññā yā saññā||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati.|| ||

N'atthi kho bhikkhu, keci saṅkhārā ye saṅkhārā||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati.|| ||

N'atthi kho bhikkhu, kiñci viññāṇaṁ, yaṁ viññāṇaṁ||
niccaṁ||
dhuvaṁ||
sassataṁ,||
avipariṇāma-dhammaṁ||
sassatisamaṁ tath'eva ṭhassati" ti.|| ||

 

§

 

14. Atha kho Bhagavā parittaṁ gomaya-piṇḍaṁ pāṇinā gahetvā taṁ bhikkhuṁ etad avoca:|| ||

"Ettako pi kho bhikkhu, atta-bhāva-paṭilābho||
n'atthi nicco||
dhuvo||
sassato||
avipariṇāma-dhammo,||
ettako ce pi bhikkhu,||
atta-bhāva-paṭilābho abhavissa||
nicco||
dhuvo||
sassato||
avipariṇāma-dhammo||
na-y-idaṁ brahma-cariy-a-vāso paññāyetha sammā dukkha-k-khayāya,||
yasmā ca kho bhikkhu, ettako pi atta-bhāva-paṭilābho||
n'atthi||
nicco||
dhuvo||
sassato||
avipariṇāma-dhammo||
tasmā brahma-cariy-a-vāso paññāyati sammā dukkha-k-khayāya.|| ||

Bhuta-pubbāhaṁ bhikkhu,||
rājā ahosiṁ khattiyo muddhā-vasitto.|| ||

Tassa mayhaṁ bhikkhu,||
rañño sato khattiyassa muddhā-vasittassa catur-ā-sīti||
nagara-sahassāni ahesuṁ Kusāvatī nāma rāja-dhānippamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
pāsāda-sahassāni ahesuṁ dhamma-pāsāda-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
kuṭāgāra-sahassati ahesuṁ mah-ā-byūha-kuṭāgāra-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
pallaṅka-sahassāni ahesuṁ||
danta-mayāni||
sāra-mayāni||
sovaṇṇa-mayāni||
rūpiya-mayāni||
gonaka-t-thatāni||
paṭika-t-thatāni||
paṭalika-t-thatāni||
kādalimiga pava- [145] rapacca-t-tharaṇāni||
sa-uttara-c-chadāni||
ubhato lohita-kupadhānāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
pallaṅka-sahassāni ahesuṁ||
sovaṇṇ-ā-laṅkārāni||
sovaṇṇa-d-dhajāni||
hema-jāla-paṭi-c-channāni||
Uposatha nāga-rāja-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
pallaṅka-sahassāni ahesuṁ||
sovaṇṇ-ā-laṅkārāni||
sovaṇṇa-d-dhajāni||
hema-jāla-paṭicchantāni||
Valāhaka-assa-rāja-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
pallaṅka-sahassāni ahesuṁ||
sovaṇṇ-ā-laṅkārāni||
sovaṇṇa-d-dhajāni||
hema-jāla-paṭa-c-chantāni||
Vejay'antaratha-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
maṇi-sahassāni ahesuṁ maṇi-ratana-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
itthi-sahassāni ahesuṁ subhadd-ā-devi-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
khattiya-sahassāni ahesuṁ anuyuttāni parināyakaratana-p-pamukhāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
dhenu-sahassāni ahesuṁ dukūlasandanāni kaṁsupadhāraṇāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
vattha-koṭi-sahassāni ahesuṁ:||
khoma-sukhumāni||
koseyya-sukhumāni||
kambala-sukhumāni||
kappāsika-sukhumāni.|| ||

Tassa mayhaṁ bhikkhu, rañño sato khattiyassa muddhā-vasittassa catur-ā-sīti||
thālipāka-sahassāni ahesuṁ sāyaṁ pātaṁ bhattābhihāro abhiharittha.|| ||

Tesaṁ kho pana bhikkhu, catur-ā-sītiyā||
nagara-sahassānaṁ ekaṁ yeva taṁ nagaraṁ hoti||
yam ahaṁ tena samayena ajjhāvasāmi kusāvatī rāja-dhāni.|| ||

Tesaṁ kho pana bhikkhu, catur-ā-sītiyā||
pasāda-sahassānaṁ [146] eko yeva pāsādo hoti||
yam ahaṁ tena samayena ajjhāvasāmi dhamma-pāsādo.|| ||

Tesaṁ kho pana bhikkhu, catur-ā-sītiyā||
kuṭāgāra-sahassānaṁ ekaṁ yeva taṁ kuṭāgāraṁ hoti||
yam ahaṁ tena samayena ajjhāvasāmi mahākhyuhaṁ kuṭāgāraṁ.|| ||

Tesaṁ kho pana bhikkhu, catur-ā-sītiyā||
pallaṅka-sahassānaṁ eko yeva so pallaṅko hoti yam ahaṁ tena samayena paribhuñjāmi danta-mayo vā sāra-mayo vā sovaṇṇa-mayo vā rūpiya-mayo vā.|| ||

Tesaṁ kho pana bhikkhu, catur-ā-sītiyā||
nagara-sahassānaṁ eko yeva so nāgo hoti||
yam ahaṁ tena samayena abhiruhāmi uposatho nāga-rājā.|| ||

Tesaṁ kho pana bhikkhu, catur-ā-sītiyā||
assa-sahassānaṁ eko yeva so asso hoti||
yam ahaṁ tena samayena abhiruhāmi valāhako assa-rājā.|| ||

Tesaṁ kho pana bhikkhu, catur-ā-sītiyā||
ratha-sahassānaṁ eko yeva so ratho hoti||
yam ahaṁ tena samayena abhiruhāmi vejayanto ratho.|| ||

Tesaṁ kho pana bhikkhu, catur-ā-sītiyā||
itthi-sahassānaṁ eko yeva sā itthi hoti||
yā maṁ tena samayena pacc'upaṭṭhāti khattiyā vā velāmikā vā.|| ||

Tesaṁ kho pana bhikkhu, catur-ā-sītiyā||
vatthakoṭi-sahassānaṁ ekaṁ yeva taṁ vatthayugaṁ hoti||
yam ahaṁ tena samayena paridahāmi||
khoma-sukhumaṁ vā||
koseyya-sukhumaṁ vā||
kambala-sukhumaṁ vā||
kappāsika-sukhumaṁ vā.|| ||

Tesaṁ kho pana bhikkhu, catur-ā-sītiyā||
thālipāka-sahassānaṁ eko yeva so thālipāko hoti||
yato nāḷi-kodana-paramaṁ bhuñjāmi tadupiyañ ca supeyyaṁ.|| ||

Iti kho bhikkhū, sabbe te saṅkhārā||
atītā niruddhā,||
viparinatā.|| ||

Evaṁ aniccā kho bhikkhu, saṅkhārā,||
evaṁ addhuvā kho bhikkhu saṅkhārā,||
evaṁ anassāsikā kho bhikkhu saṅkhārā,||
[147] yāvañ c'idaṁ bhikkhu, alam eva sabba-saṅk hāresu nibbindituṁ||
alaṁ virajjituṁ alaṁ vimuccitun" ti.|| ||