Saṃyutta Nikāya
3. Khandha Vagga
22. Khandha Saṃyutta
10. Puppha Vagga

Sutta 99

Paṭhama Gaddūla or Baddhūla Suttaṃ

 

---

[149]

[1][pts][than][bodh] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṃ|| ||

Bhagavā etad avoca:|| ||

3. "Anamat'aggoyaṃ bhikkhave saṃsāro.|| ||

Pubbākoṭi na paññāyati avijjā-nīvaraṇānaṃ sattāṇaṃ taṇhā-saṃyojanānaṃ sandhāvataṃ saṃsarataṃ.|| ||

4. Hoti kho so bhikkhave,||
samayo yaṃ mahā-samuddo ussussati visussati||
na bhavani,||
na tvevāhaṃ bhikkhave,||
avijjā-nīvaraṇānaṃ sattāṇaṃ taṇhā-saṃyojanānaṃ sandhāvataṃ saṃsarataṃ dukkhassa antakiriyaṃ vadāmi.|| ||

5. Hoti kho so bhikkhave,||
samayo yaṃ sinerupabba-tarājā uḍḍayhati vinassati||
na bhavani,||
na tvevāhaṃ bhikkhave,||
[150] avijjā-nīvaraṇānaṃ sattāṇaṃ taṇhā-saṃyojanānaṃ sandhāvitaṃ saṃsarataṃ dukkhassa antakiriyaṃ vadāmi.|| ||

6. Hoti kho so bhikkhave,||
samayo yaṃ mahā-paṭhavi uḍḍayhati vinassati||
na bhavani,||
na tvevāhaṃ bhikkhave,||
avijjā-nīvaraṇānaṃ sattāṇaṃ taṇhā-saṃyojanānaṃ sandhāvataṃ saṃsarataṃ dukkhassa antakiriyaṃ vadāmi.|| ||

7. Seyyathā pi, bhikkhave,||
sā gaddula-baddho daḷhe khīle vā||
thambhe vā upani-baddho||
tam eva khīlaṃ vā thambhaṃ vā anuparidhāvati,||
anuparivattati||
evam eva kho, bhikkhave,||
a-s-sutavā puthujjano||
ariyānaṃ adassāvī||
ariya-Dhammassa||
akovido ariya-Dhamme avinīto,||
sappurisānaṃ adassāvī||
sappurisa-Dhammassa||
akovido sappurisa-Dhamme avinīto||
rūpaṃ attato samanupassati||
rūpa-vantaṃ vā attāṇaṃ,||
attani vā rūpaṃ,||
rūpassamiṃ vā attāṇaṃ;|| ||

vedanaṃ attato samanupassati||
vedanā-vantaṃ vā attāṇaṃ,||
attani vā vedanā,||
vedanāssamiṃ vā attāṇaṃ;|| ||

saññaṃ attato samanupassati||
saññā-vantaṃ vā attāṇaṃ,||
attani vā saññaṃ,||
saññasmiṃ vā attāṇaṃ;|| ||

saṅkhāre attato samanupassati||
saṅkhārāvantaṃ vā attāṇaṃ,||
attani vā saṅkhāraṃ,||
saṅkhārasmiṃ vā attāṇaṃ;|| ||

viññāṇaṃ attato samanupassati||
viññāṇa-vantaṃ vā attāṇaṃ,||
attani vāviññāṇaṃ,||
viññāṇasmiṃ vā attāṇaṃ.|| ||

So rūpaññeva anuparidhāvaṃ anuparivattaṃ.|| ||

So vedaññeva anuparidhāvaṃ anuparivattaṃ.|| ||

So saññāṃ yeva anuparidhāvaṃ anuparivattaṃ.|| ||

So saṅkhāre yeva anuparidhāvaṃ anuparivattaṃ.|| ||

So viññāṇaññeva anuparidhāvaṃ anuparivattaṃ.|| ||

So rūpaṃ anuparidhāvaṃ anuparivattaṃ,||
vedanaṃ anuparidhāvaṃ anuparivattaṃ,||
saññaṃ anuparidhāvaṃ anuparivattaṃ,||
saṅkhāre anuparidhāvaṃ anuparivattaṃ,||
viññāṇam anuparidhāvaṃ anuparivattaṃ,||
na parimuccati rūpamhā,||
na parimuccati vedanāya,||
na parimuccati saññāya,||
na parimuccati saṅkhārehi,||
na pirimuccati viññāṇamhā,||
na parimuccati jātiyā,||
jarā maraṇena,||
sokehi paridevehi dukkhehi domanassehi upāyāsehi,||
na parimuccati dukkhasmāti vadāmi.|| ||

 

§

 

9. Sutavā ca kho bhikkhave,||
ariya-sāvako||
ariyānaṃ dsasāvi||
ariya-Dhammassa kovido||
ariya-Dhamme suvinīko||
sappurisānaṃ dassāvī||
sappurisa-Dhammassa kovido||
sappurisa-Dhamme suvinīto||
na rūpaṃ attato samanupassati,||
na rūpa-vantaṃ vā attāṇaṃ,||
na attani vā rūpaṃ,||
na rūpasmiṃ vā attāṇaṃ;|| ||

na vedanā attato samanupassati,||
na vedanā vantaṃ vā attāṇaṃ,||
na attani vā vedanaṃ,||
na vedanasmiṃ vā attāṇaṃ;|| ||

na saññaṃ attato samanupassati,||
na saññā vantaṃ vā attāṇaṃ,||
na attani vā sañña,||
na saññasmiṃ vā attāṇaṃ;|| ||

na saṅkhāre attato samanupassati,||
na saṅkhāra vantaṃ vā attāṇaṃ,||
na attani vā saṅkhāraṃ,||
na saṅkhārasmiṃ vā attāṇaṃ;|| ||

na viññāṇaṃ attato samanupassati,||
na viññāṇa vantaṃ vā attāṇaṃ,||
na attani vā viññāṇaṃ,||
na viññāṇasmiṃ vā attāṇaṃ.|| ||

So rūpaṃ nānuparidhāvati nānuparivattati.|| ||

So vedanaṃ nānuparidhāvati nānuparivattati.|| ||

So saññaṃ nānuparidhāvati nānuparivattati.|| ||

So saṅkhāre nānuparidhāvati nānuparivattati.|| ||

So viññāṇaṃ nānuparidhāvati nānuparivattati.|| ||

So rūpaṃ ananuparidhāvaṃ ananuparivattataṃ,||
vedanaṃ nānuparidhāvati nānuparivattati,||
saññaṃ nānuparidhāvati nānuparivattati,||
saṅkhāre nānuparidhāvati nānuparivattati,||
viññāṇaṃ nānuparidhāvati nānuparivattati||
parimuccati rūpamhā,||
parimuccati vedanāya,||
parimuccati saññāya,||
parimuccati saṅkhārehi,||
parimuccati viññāṇamhā,||
parimuccati jātiyā,||
jarāya maraṇena sokehi paridevehi dukkhehi domanassehi upāyāsehi;||
parimuccati dukkhasmā' ti vadāmi" ti.|| ||