Saṁyutta Nikāya
3. Khandha Vagga
22. Khandha Saṁyutta
11. Anta Vagga

Sutta 106

Pariññeyya Suttaṁ

 

---

[159]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Pariññeyye ca bhikkhave, dhamme desissāmi||
pariññcañ ca||
pariññātāviñ ca puggalaṁ.|| ||

Taṁ suṇātha!|| ||

 

§

 

Katamañ ca ca bhikkhave, pariññeyyā dhammā?|| ||

Rūpaṁ bhikkhave, pariññeyyo dhammo,||
vedanā pariññeyyo dhammo,||
saññā pariññeyyo dhammo,||
saṅkhārā pariññeyyo dhammo,||
viññāṇaṁ pariññeyyo dhammo.|| ||

Ime vuccanti bhikkhave, pariññeyyā dhammā.|| ||

■

[160] Katamā ca bhikkhave, pariññā?|| ||

Yo bhikkhave, rāga-k-khayo||
dosa-k-khayo,||
moha-k-khayo.|| ||

Ayaṁ vuccati bhikkhave, pariññā.|| ||

■

Katamo ca bhikkhave, pariññātāvi puggalo?|| ||

Arahātissa vacanīyaṁ.|| ||

■

Yo yaṁ āyasmā evaṁ nāmo evaṁ-gotto.|| ||

Ayaṁ vuccati bhikkhave, pariññātāvi puggalo" ti.|| ||