Saṁyutta Nikāya
3. Khandha Vagga
22. Khandha Saṁyutta
12. Dhamma-Kathika Vagga

Sutta 113

Paṭhama Avijjā (or Bhikkhu) Suttaṁ

 

---

[162]

[1][pts][olds] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho so bhikkhu Bhagavantaṁ etad avoca:|| ||

"'Avijjā avijjā' ti Bhante vuccati.|| ||

Katamā nu kho bhante, avijjā kittāvatā ca avijjā-gato hotī" ti?|| ||

"Idha bhikkhu a-s-sutavā puthujjano||
rūpaṁ na-p-pajānāti,||
rūpa-samudayaṁ na-p-pajānāti,||
rūpa-nirodhaṁ na-p-pajānāti,||
rūpa-nirodha-gāminiṁ paṭipadaṁ na-p-pajānāti;||

vedanaṁ na-p-pajānāti,||
vedanā samudayaṁ na-p-pajānāti,||
vedanā-nirodhaṁ na-p-pajānāti,||
vedanā-nirodha-gāminiṁ paṭipadaṁ na-p-pajānāti;||

saññaṁ na-p-pajānāti,||
saññā samudayaṁ na-p-pajānāti,||
saññā-nirodhaṁ na-p-pajānāti,||
saññā-nirodha-gāminiṁ paṭipadaṁ na-p-pajānāti;||

saṅkhāre na-p-pajānāti,||
saṅkhāre samudayaṁ na-p-pajānāti,||
saṅkhāra-nirodhaṁ na-p-pajānāti,||
saṅkhāra-nirodha-gāminiṁ paṭipadaṁ na-p-pajānāti;||

viññāṇaṁ na-p-pajānāti,||
viññāṇa samudayaṁ na-p-pajānāti,||
viññāṇa-nirodhaṁ na-p-pajānāti,||
viññāṇa-nirodha-gāminiṁ paṭipadaṁ na-p-pajānāti.|| ||

[163] Ayaṁ vuccati bhikkhave, avijjā ettāvatā ca avijjā-gato hotī" ti.|| ||