Saṁyutta Nikāya
3. Khandha Vagga
22. Khandha Saṁyutta
12. Dhamma-Kathika Vagga

Sutta 117

Bandhanā Suttaṁ

 

---

[164]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"A-s-sutavā bhikkhave, puthujjano||
ariyānaṁ adassāvī||
ariya-Dhammassa||
akovido ariya-Dhamme avinīto,||
sappurisānaṁ adassāvī||
sappurisa-Dhammassa||
akovido sappurisa-Dhamme avinīto||
rūpaṁ attato samanupassati||
rūpavantaṁ vā attāṇaṁ,||
attani vā rūpaṁ,||
rūpassamiṁ vā attāṇaṁ;|| ||

Ayaṁ vuccati bhikkhave, a-s-sutavā puthujjano||
rūpa-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṁ lokaṁ gacchati.|| ||

■

[165] Vedanaṁ attato samanupassati||
vedanā-vantaṁ vā attāṇaṁ,||
attani vā vedanā,||
vedanāssamiṁ vā attāṇaṁ.|| ||

Ayaṁ vuccati bhikkhave, a-s-sutavā puthujjano||
vedanā-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṁ lokaṁ gacchati.|| ||

■

Saññaṁ attato samanupassati||
saññā-vantaṁ vā attāṇaṁ,||
attani vā saññaṁ,||
saññasmiṁ vā attāṇaṁ.|| ||

Ayaṁ vuccati bhikkhave, a-s-sutavā puthujjano||
saññā-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṁ lokaṁ gacchati.|| ||

■

Saṅkhāre attato samanupassati||
saṅkhārāvantaṁ vā attāṇaṁ,||
attani vā saṅkhāraṁ,||
saṅkhārasmiṁ vā attāṇaṁ.|| ||

Ayaṁ vuccati bhikkhave, a-s-sutavā puthujjano||
saṅkhāra-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṁ lokaṁ gacchati.|| ||

■

Viññāṇaṁ attato samanupassati||
viññāṇa-vantaṁ vā attāṇaṁ,||
attani vāviññāṇaṁ,||
viññāṇasmiṁ vā attāṇaṁ.|| ||

Ayaṁ vuccati bhikkhave, a-s-sutavā puthujjano||
viññāṇa-bandhana-baddho||
santara-bāhira-bandhana-baddho||
a-tīra-dassi||
a-pāra-dassī,||
baddho jāyati,||
baddho mīyati,||
baddho asmā lokā||
paraṁ lokaṁ gacchati.|| ||

 

§

 

Sutvā bhikkhave, ariya-sāvako, ariya-sāvako||
ariyānaṁ dsasāvi||
ariya-Dhammassa kovido||
ariya-Dhamme suvinīko||
sappurisānaṁ dassāvī||
sappurisa-Dhammassa kovido||
sappurisa-Dhamme suvinīto||
na rūpaṁ attato samanupassati,||
na rūpavantaṁ vā attāṇaṁ,||
na attani vā rūpaṁ,||
na rūpasmiṁ vā attāṇaṁ.|| ||

Ayaṁ vuccati bhikkhave, 'sutavā ariya-sāvako||
na rūpa-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||

■

Na vedanā attato samanupassati,||
na vedanā vantaṁ vā attāṇaṁ,||
na attani vā vedanaṁ,||
na vedanasmiṁ vā attāṇaṁ;|| ||

Ayaṁ vuccati bhikkhave, 'sutavā ariya-sāvako||
na vedanā-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||

■

Na saññaṁ attato samanupassati,||
na saññā vantaṁ vā attāṇaṁ,||
na attani vā sañña,||
na saññasmiṁ vā attāṇaṁ;|| ||

Ayaṁ vuccati bhikkhave, 'sutavā ariya-sāvako||
na saññā-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||

■

Na saṅkhāre attato samanupassati,||
na saṅkhāra vantaṁ vā attāṇaṁ,||
na attani vā saṅkhāraṁ,||
na saṅkhārasmiṁ vā attāṇaṁ;|| ||

Ayaṁ vuccati bhikkhave, 'sutavā ariya-sāvako||
na saṅkhāra-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi.|| ||

■

Na viññāṇaṁ attato samanupassati,||
na viññāṇa vantaṁ vā attāṇaṁ,||
na attani vā viññāṇaṁ,||
na viññāṇasmiṁ vā attāṇaṁ.|| ||

Ayaṁ vuccati bhikkhave, 'sutavā ariya-sāvako||
na viññāṇa-bandhana-baddho||
na santara-bāhira-bandhana-baddho||
tīra-dassi||
pāra-dassī,||
parimutto so dukkhasmā' ti vadāmi" ti.|| ||