Saṃyutta Nikāya
3. Khandha Vagga
22. Khandha Saṃyutta
12. Dhamma-Kathika Vagga
Sutta 119
Dutiya Parimucchita Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"Taṃ kiṃ maññatha bhikkhave?|| ||
Rūpaṃ|| ||
'N'etaṃ mama
n'eso ham asmi,
na me so attā' ti|| ||
samanupassathā" ti?|| ||
"Evam bhante."|| ||
"Sādhu bhikkhave!|| ||
Rūpaṃ bhikkhave|| ||
'N'etaṃ mama
n'eso ham asmi,
na me so attā' ti|| ||
evam etaṃ yathā-bhūtaṃ samma-p-paññāya daṭṭhabbaṃ.|| ||
■
Vedanaṃ|| ||
'N'etaṃ mama
n'eso ham asmi,
na me so attā' ti|| ||
samanupassathā" ti?|| ||
"Evam bhante."|| ||
"Sādhu bhikkhave!|| ||
Vedanaṃ bhikkhave|| ||
'N'etaṃ mama
n'eso ham asmi,
na me so attā' ti|| ||
evam etaṃ yathā-bhūtaṃ samma-p-paññāya daṭṭhabbaṃ.|| ||
■
Saññaṃ|| ||
'N'etaṃ mama
n'eso ham asmi,
na me so attā' ti|| ||
samanupassathā" ti?|| ||
"Evam bhante."|| ||
"Sādhu bhikkhave!|| ||
Saññaṃ bhikkhave|| ||
'N'etaṃ mama
n'eso ham asmi,
na me so attā' ti|| ||
evam etaṃ yathā-bhūtaṃ samma-p-paññāya daṭṭhabbaṃ.|| ||
■
Saṇkhāre|| ||
'N'etaṃ mama
n'eso ham asmi,
na me so attā' ti|| ||
samanupassathā" ti?|| ||
"Evam bhante."|| ||
"Sādhu bhikkhave!|| ||
Saṇkhāre bhikkhave|| ||
'N'etaṃ mama
n'eso ham asmi,
na me so attā' ti|| ||
evam etaṃ yathā-bhūtaṃ samma-p-paññāya daṭṭhabbaṃ.|| ||
■
Viññāṇaṃ|| ||
'N'etaṃ mama
n'eso ham asmi,
na me so attā' ti|| ||
samanupassathā" ti?|| ||
"Evam bhante."|| ||
"Sādhu bhikkhave!|| ||
Viññāṇaṃ bhikkhave|| ||
'N'etaṃ mama
n'eso ham asmi,
na me so attā' ti|| ||
evam etaṃ yathā-bhūtaṃ samma-p-paññāya daṭṭhabbaṃ.|| ||
§
Evaṃ passaṃ bhikkhave, sutavā ariya-sāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbidaṃ virajjati.|| ||
Virāgā vimuccati.|| ||
Vimuttasmiṃ 'vimuttami' ti||
ñāṇaṃ hoti:|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā' ti pajānātī" ti.|| ||
