Saṁyutta Nikāya
3. Khandha Vagga
22. Khandha Saṁyutta
12. Dhamma-Kathika Vagga

Sutta 121

Upādāniya Suttaṁ

 

---

[167]

[1][pts][than] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Upādāniye ca bhikkhave, dhamme desissāmi||
upādānaña ca.|| ||

Taṁ suṇātha.|| ||

Katame ca bhikkhave, upādāniyā dhamma?|| ||

Katamaṁ upādānaṁ?|| ||

Rūpaṁ bhikkhave, upādāniyo dhammo.|| ||

Yo tattha chanda-rāgo taṁ tattha upādānaṁ.|| ||

Vedanā upadāniyo dhammo.|| ||

Yo tattha chanda-rāgo taṁ tattha upādānaṁ.|| ||

Saññā upādāniyo dhammo.|| ||

Yo tattha chanda-rāgo taṁ tattha upādānaṁ.|| ||

Saṅkhārā upadāniyo dhammo.|| ||

Yo tattha chanda-rāgo taṁ tattha upādānaṁ.|| ||

Viññāṇaṁ upādāniyo dhammo.|| ||

Yo tattha chanda-rāgo taṁ tattha upādānaṁ.|| ||

Ime vuccanti bhikkhave, upādāniyā dhammā,
idaṁ upādānan" ti.|| ||