Saṁyutta Nikāya
3. Khandha Vagga
22. Khandha Saṁyutta
12. Dhamma-Kathika Vagga

Sutta 124

Paṭhama Kappa Suttaṁ

 

---

[169]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Atha kho āyasmā Mahā-Kotthito sāyaṇha-samayaṁ paṭisallāṇā vuṭṭhito yen'āyasmā Sāriputto ten'upasaṅkami.|| ||

Atha kho āyasmā Kappo yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho āyasmā kappo Bhagavantaṁ etad avoca:|| ||

"Kathannu kho bhante, jānato||
kathaṁ passato||
imasmiṁ ca saviññāṇake kāye bahiddhā ca sabba-nimittesu ahiṁ-kāra-mamiṁ-kāra mān-ā-nusayā na hontī" ti?|| ||

"Yaṁ kiñci Kappo, rūpaṁ||
atīt-ā-nāgata-pacc'uppannaṁ||
ajjhattaṁ vā bahiddhā vā||
oḷārikaṁ vā sukhumaṁ vā||
hīnaṁ vā paṇītaṁ vā||
yaṁ dūre santike vā||
sabbaṁ rūpaṁ||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yā kāci vedanā||
atīt-ā-nāgata-pacc'uppannaṁ||
ajjhattaṁ vā bahiddhā vā||
oḷārikaṁ vā sukhumaṁ vā||
hīnaṁ vā paṇītaṁ vā||
yaṁ dūre santike vā||
sabbaṁ vedanā||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yā kāci saññā||
atīt-ā-nāgata-pacc'uppannaṁ||
ajjhattaṁ vā bahiddhā vā||
oḷārikaṁ vā sukhumaṁ vā||
hīnaṁ vā paṇītaṁ vā||
yaṁ dūre santike vā||
sabbaṁ saññā||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yā kāci saṅkhārā||
atīt-ā-nāgata-pacc'uppannaṁ||
ajjhattaṁ vā bahiddhā vā||
oḷārikaṁ vā sukhumaṁ vā||
hīnaṁ vā paṇītaṁ vā||
yaṁ dūre santike vā||
sabbaṁ saṅkhārā||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

■

Yaṁ kañci viññāṇaṁ||
atīt-ā-nāgata-pacc'uppannaṁ||
ajjhattaṁ vā bahiddhā vā||
oḷārikaṁ vā sukhumaṁ vā||
hīnaṁ vā paṇītaṁ vā||
yaṁ dūre santike vā||
sabbaṁ viññāṇaṁ||
'n'etaṁ mama,||
n'eso ham asmi,||
na meso attā' ti.|| ||

Evam etaṁ yathā-bhūtaṁ samma-p-paññāya passati.|| ||

Evaṁ kho Kappa, jānato||
evaṁ passato||
imasmiṁ ca saviññāṇake kāye bahiddhā ca sabba-nimittesu ahiṁ-kāra-mamiṁ-kāra mān-ā-nusayā na hontī" ti.|| ||