Saṃyutta Nikāya
3. Khandha Vagga
24. Diṭṭhi Saṃyutta
1. Sotāpatti Vagga
Sutta 1
Vāta Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][olds] Evaṃ me sutaṃ:|| ||
Ekaṃ samayaṃ Bhagavā||
Sāvatthiyaṃ viharati||
Jetavane Anāthapiṇḍikassa ārāme.|| ||
Tatra kho Bhagavā||
bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"Kismiṃ nu kho bhikkhave, sati||
kiṃ upādāya||
kiṃ abhinivissa||
evaṃ diṭṭhi uppajjati:|| ||
'Na vātā vāyanti,||
na najjo sandanti,||
na gabhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā'" ti?|| ||
"Bhagavaṃ-mulakā no bhante, dhammā.|| ||
Bhagavaṃ-nettikā Bhagavam-paṭisaraṇā.|| ||
Sādhu vata bhaṇte,||
Bhagavantaṃ yeva paṭibhātu etassa bhāsitassa attho,||
Bhagavato sutvā bhikkhu dhāressan" ti.|| ||
§
"Rūpe kho bhikkhave, sati||
rūpaṃ upādāya||
rūpaṃ abhinivissa||
evem diṭṭhi uppajjati:|| ||
'Na vātā vāyanti,||
na najjo sandanti,||
na gabhniyo vijāyanti,||
na candima-suriyā||
udenti vā||
apenti vā||
esika-ṭ-ṭhāyi-ṭ-ṭhitā' ti.|| ||
Vedanāya sati||
vedanaṃ upādāya||
vedanā abhinivissa||
evem diṭṭhi uppajjati:|| ||
'Na vātā vāyanti,||
na najjo sandanti,||
na gabhniyo vijāyanti,||
na candima-suriyā||
udenti vā||
apenti vā||
esika-ṭ-ṭhāyi-ṭ-ṭhitā' ti.|| ||
Saññāya sati||
saññaṃ upādāya||
saññā abhinivissa||
evem diṭṭhi uppajjati:|| ||
'Na vātā vāyanti,||
na najjo sandanti,||
na gabhniyo vijāyanti,||
na candima-suriyā||
udenti vā||
apenti vā||
esika-ṭ-ṭhāyi-ṭ-ṭhitā' ti.|| ||
Saṇkhāresu sati||
saṇkhāre upādāya||
saṇkhāre abhinivissa||
evem diṭṭhi uppajjati:|| ||
'Na vātā vāyanti,||
na najjo sandanti,||
na gabhniyo vijāyanti,||
na candima-suriyā||
udenti vā||
apenti vā||
esika-ṭ-ṭhāyi-ṭ-ṭhitā' ti.|| ||
Viññāṇe sati||
viññāṇaṃ upādāya||
viññāṇaṃ abhinivissa||
evem diṭṭhi uppajjati:|| ||
'Na vātā vāyanti,||
na najjo sandanti,||
na gabhniyo vijāyanti,||
na candima-suriyā||
udenti vā||
apenti vā||
esika-ṭ-ṭhāyi-ṭ-ṭhitā' ti.|| ||
§
Taṃ kiṃ maññasi bhikkhave?|| ||
Rūpaṃ niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ,||
api nu taṃ anupādāya evaṃ diṭṭhi uppajjeyya:|| ||
'Na vātā vāyanti,||
na najjo sandanti,||
na gbbhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā' ti" ti?|| ||
"No h'etaṃ bhante."|| ||
■
"Vedanā niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ,||
api nu taṃ anupādāya evaṃ diṭṭhi uppajjeyya:|| ||
'Na vātā vāyanti,||
na najjo sandanti,||
na gbbhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā' ti" ti?|| ||
"No h'etaṃ bhante."|| ||
■
"Saññā niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ,||
api nu taṃ anupādāya evaṃ diṭṭhi uppajjeyya:|| ||
'Na vātā vāyanti,||
na najjo sandanti,||
na gbbhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā' ti" ti?|| ||
"No h'etaṃ bhante."|| ||
■
"Saṇkhārā niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ,||
api nu taṃ anupādāya evaṃ diṭṭhi uppajjeyya:|| ||
'Na vātā vāyanti,||
na najjo sandanti,||
na gbbhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā' ti" ti?|| ||
"No h'etaṃ bhante."|| ||
■
"Viññāṇaṃ niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ,||
api nu taṃ anupādāya evaṃ diṭṭhi uppajjeyya:|| ||
'Na vātā vāyanti,||
na najjo sandanti,||
na gbbhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā' ti" ti?|| ||
"No h'etaṃ bhante."|| ||
■
"Yam pidaṃ diṭṭhaṃ,||
sutaṃ,||
mutaṃ,||
viññātaṃ,||
pattaṃ,||
pariyesitaṃ,||
anuvicaritaṃ manasā||
tam pi niccaṃ vā aniccaṃ vā" ti?
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ,||
api nu taṃ anupādāya evaṃ diṭṭhi uppajjeyya:|| ||
'Na vātā vāyanti,||
na najjo sandanti,||
na gbbhniyo vijāyanti,||
na candima-suriyā udenti vā||
apenti vā||
esika-ṭ-ṭhāyi-ṭ-ṭhitā' ti" ti?|| ||
"No h'etaṃ bhante."|| ||
§
Yato kho bhikkhave, ariya-sāvakassa||
imesu chasu ṭhānesu kaṇkhā pahīnā hoti,||
dukkhe pi'ssa kaṇkhā pahīnā hoti,||
dukkha-samudaye pi'ssa kaṇkhā pahīnā hoti,||
dukkha-nirodhe pi'ssa kaṇkhā pahīnā hoti,||
dukkha-nirodha-gāminiy'āpaṭi-padāya pi'ssa kaṇkhā pahīnā hoti.|| ||
Ayaṃ vuccati bhikkhave,||
Ariya-sāvako||
Sotāpanno||
avinipāta-dhammo||
niyato||
sambodhi-parāyano" ti.|| ||
