Saṃyutta Nikāya
3. Khandha Vagga
25. Okkantika Saṃyutta
Sutta 3
Viññāṇa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"Cakkhu-viññāṇaṃ bhikkhave, aniccaṃ,||
viparināmim,||
aññathā-bhāvi.|| ||
Sota-viññāṇaṃ aniccaṃ,||
viparināmim,||
aññathā-bhāvi.|| ||
Ghāna-viññāṇaṃ aniccaṃ,||
viparināmim,||
aññathā-bhāvi.|| ||
Jivhā-viññāṇaṃ aniccā,||
viparināmim,||
aññathā-bhāvi.|| ||
Kāya-viññāṇaṃ anicco,||
viparināmim,||
aññathā-bhāvi.|| ||
Mano-viññāṇaṃ anicco,||
viparināmim,||
aññathā-bhāvi.|| ||
§
Yo bhikkhave, ime dhamme||
evaṃ sadda-hati||
adhivuccati,||
ayaṃ vuccati:|| ||
'Saddh-ā-nusārī okkanto sammatta-niyāmaṃ sappurisa-bhumiṃ||
okkanto vītivatto puthu-j-jana-bhumiṃ,||
abhabbo taṃ kammaṃ||
kātuṃ yaṃ kammaṃ||
katvā Nirayaṃ vā||
tiracchāna-yoniṃ vā||
petti-visayaṃ vā upapa-j-jeyya.|| ||
Abhabbo va tāva kālaṃ kātuṃ yāva na sot'āpatti-phalaṃ sacchi-karo' ti.|| ||
■
Yassa kho bhikkhave, ime dhamme||
evaṃ paññāya mattaso nijjhānaṃ khamanti,||
ayaṃ vuccati:|| ||
'Dhamm-ā-nusāri okkanto sammatta-niyāmaṃ sappurisa-bhumiṃ||
okkanto vītivatto puthu-j-jana-bhumiṃ,||
abhabbo taṃ kammaṃ||
kātuṃ yaṃ kammaṃ||
katvā Nirayaṃ vā||
tiracchāna-yoniṃ vā||
petti-visayaṃ vā upapa-j-jeyya.
Abhabbo va tāva kālaṃ kātuṃ yāva na sot'āpatti-phalaṃ sacchi-karo' ti.|| ||
■
Yo bhikkhave, ime dhamme||
evaṃ jānāti||
evaṃ passati,||
ayaṃ vuccati:|| ||
Sotāpanno||
avinipāta-dhammo||
niyato||
sambodhi-parāyano' ti" ti.|| ||
