Saṃyutta Nikāya
3. Khandha Vagga
26. Uppāda Saṃyutta
Sutta 6
Saññāya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"Yo bhikkhave, rūpā-saññāya uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṃ ṭhiti||
jarā-maraṇassa pātu-bhāvo.|| ||
Yo saddā-saññāya uppādo||
ṭhiti||
abhinibbatti||
pātu-bhāvo||
dukkhassa uppādo||
rogānaṃ ṭhiti||
jarā-maraṇassa pātu-bhāvo.|| ||
Yo gandhā-saññāya upādāyo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
Yo rasā-saññāya uppādo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
Yo phoṭṭhabbā-saññāya uppādo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
Yo dhammā-saññāya uppādo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
§
Yo ca bhikkhave, rūpā-saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo,|| ||
Yo saddā-saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo,|| ||
Yo gandhā-saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo.|| ||
Yo rasā-saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo.|| ||
Yo phoṭṭhabbā-saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo.|| ||
Yo dhammā-saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo" ti.|| ||
