Saṃyutta Nikāya
3. Khandha Vagga
26. Uppāda Saṃyutta
Sutta 10
Khandhena Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"Yo bhikkhave, rūpassa uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṃ ṭhiti||
jarā-maraṇassa pātu-bhāvo.|| ||
Yo vedanāya uppādo||
ṭhiti||
abhinibbatti||
pātu-bhāvo||
dukkhassa uppādo||
rogānaṃ ṭhiti||
jarā-maraṇassa pātu-bhāvo.|| ||
Yo saññāya upādāyo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
Yo saṅkhārānaṃ uppādo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
Yo viññāṇassa uppādo||
ṭhiti||
abhinibbatti||
pātu-bhāvo,||
dukkhasseso uppādo,||
rogānaṃ ṭhiti,||
jarā-maraṇassa pātu-bhāvo.|| ||
§
Yo ca bhikkhave, rūpassa nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo,|| ||
Yo vedanāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo,|| ||
Yo saññāya nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo.|| ||
Yo saṅkhārānaṃ nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo.|| ||
Yo viññāṇassa nirodho||
vūpasamo||
attha-gamo,||
dukkhasseso nirodho,||
rogānaṃ vūpasamo,||
jarā-maraṇassa attha-gamo.|| ||
