Saṁyutta Nikāya
3. Khandha Vagga
28. Sāriputta Saṁyutta

Sutta 2

Avitakka Suttaṁ

 

---

[236]

[1][pts] Evaṁ me sutaṁ:|| ||

Ekaṁ samayaṁ āyasmā Sāriputto Sāvatthiyaṁ viharati||
Jetavane Anāthapiṇḍikassa ārāme.|| ||

Atha kho āyasmā Sāriputto||
pubbaṇha-samayaṁ nivāsetvā patta-cīvaram ādāya||
Sāvatthiṁ piṇḍāya pāvisi.|| ||

Sāvatthiyaṁ piṇḍāya caritvā pacchā-bhattaṁ piṇḍa-pāta-paṭikkanto||
yena andhavanaṁ ten'upasaṅkami divā-vihārāya.|| ||

Andhavanaṁ ajjhoga-hetvā aññatarasmiṁ||
rukkha-mule divā-vihāraṁ nisīdi.|| ||

Atha kho āyasmā Sāriputto sāyaṇha-samayaṁ paṭisallānā vuṭṭhito||
yena Jetavanaṁ Anāthapiṇḍikassa ārāmo ten'upasaṅkami.|| ||

Addsā kho āyasmā Ānando āyasmantaṁ Sāriputtaṁ dūrato va āga-c-chantaṁ.|| ||

Disvāna āyasmantaṁ Sāriputtaṁ etad avoca:|| ||

"Vi-p-pasannāni kho te āvuso Sāriputta,||
indriyāni parisuddho mukha-vaṇṇo pariyodāto.|| ||

Katamen'āyasmā Sāriputto ajja vihārena vihāsī" ti?|| ||

"Idhā'haṁ āvuso,||
vitakka-vicārānaṁ||
vūpasamā ajjhattaṁ sampasādanaṁ||
cetaso ekodi-bhāvaṁ||
avitakkaṁ||
avicāraṁ||
samādhi-jaṁ pīti-sukhaṁ||
dutiyaṁ-jhānaṁ upasampajja viharāmi.|| ||

Tassa mayhaṁ āvuso na evaṁ hoti:|| ||

'Ahaṁ dutiyaṁ-jhānaṁ samāpajjāmī' ti|| ||

vā|| ||

'Ahaṁ dutiyaṁ-jhānaṁ samāpanno' ti|| ||

vā|| ||

'Ahaṁ dutiyaṁ-jhānā vuṭṭhito' ti vā" ti.|| ||

"[237]Tathā hi pan'āyasmato Sāriputtassa dīgha-rattaṁ abhiṁ kāramami-ṁ-kāramān-ā-nusayā susamūhatā.|| ||

Tasmā āyasmato Sāriputtassa na evaṁ hoti:|| ||

'Ahaṁ dutiyaṁ-jhānaṁ samāpajjāmī' ti|| ||

vā|| ||

'Ahaṁ dutiyaṁ-jhānaṁ samāpanno' ti|| ||

vā|| ||

'Ahaṁ dutiyaṁ-jhānā vuṭṭhito' ti vā" ti.|| ||