Paṇīta-Tara Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][olds] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṁ|| ||

Bhagavā etad avoca:|| ||

"Catasso imā bhikkhave, nāga-yoniyo.|| ||

Katamā catasso?|| ||

Aṇḍa-jā nāgā||
jalābu-jā nāgā||
saṁseda-jā nāgā||
opapātikā nāgā.|| ||

[241] Tatra bhikkhave,||
aṇḍa-jehi nāgehi||
jalābu-jā ca||
saṁseda-jā ca||
opapātikā ca||
nāgā paṇītatarā.|| ||

Tatra, bhikkhave,||
aṇḍa-jehi ca||
jalābu-jehi ca nāgehi||
saṁseda-jā ca||
opapātikā ca nāgā paṇītatarā.|| ||

Tatra, bhikkhave,||
aṇḍa-jehi ca||
jalābu-jehi ca||
saṁseda-jehi ca nāgehi||
opapātikā nāgā paṇītatarā.|| ||

Imā kho bhikkhave, catasso nāga-yoniyo" ti.|| ||