Catuttha Tassa (aka Suta) Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho so bhikkhu Bhagavantaṁ etad avoca:|| ||

"Ko nu kho bhante, hetu,||
ko paccayo||
yena-m-idh'ekacco kāyassa bhedā param maraṇā opapātikānaṁ nāgānaṁ saha-vyataṁ upapajjatī" ti?|| ||

"Idha bhikkhu ekacco kāyena dvaya-kārī hoti||
vācāya dvaya-kāri||
manasā dvaya-kāri,||
tassa sutaṁ hoti:|| ||

'Opapātikānaṁ nāgā dīghā-yukā vaṇṇa-vanto sukha-bahulā.' ti.|| ||

Tassa evaṁ hoti:|| ||

'Aho vatāhaṁ kāyassa bhedā param maraṇā opapātikānaṁ nāgānaṁ saha-vyataṁ upapa-j-jeyyan' ti.|| ||

So kāyassa bhedā param maraṇā opapātikānaṁ nāgānaṁ saha-vyataṁ uppajjati.|| ||

Ayaṁ kho bhikkhu hetu||
ayaṁ paccayo||
yena-m-idh'ekacco kāyassa bhedā param maraṇā opapātikānaṁ nāgānaṁ saha-vyataṁ upapajjatī" ti.|| ||