Sutta 4

Bāhira Anicca Suttaṁ (Aniccam 2; Bāhiram)

[2]

[1][pts][bodh] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

3. Bhagavā etad avoca:|| ||

"Rūpaṁ bhikkhave aniccaṁ,||
yad aniccaṁ taṁ dukkhaṁ,||
yaṁ dukkhaṁ tad anattā,||
yad anattā taṁ:|| ||

'N'etaṁ mama,||
[3] n'eso ham asmi,||
na me'so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ. || ||

■

4. Saddā aniccaṁ,||
yad aniccaṁ taṁ dukkhaṁ,||
yaṁ dukkhaṁ tad anattā,||
yad anattā taṁ:|| ||

'N'etaṁ mama,||
n'eso ham asmi,||
na me'so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ. || ||

■

5. Gandhā aniccaṁ,||
yad aniccaṁ taṁ dukkhaṁ,||
yaṁ dukkhaṁ tad anattā,||
yad anattā taṁ:|| ||

'N'etaṁ mama,||
n'eso ham asmi,||
na me'so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ. || ||

■

6. Rasā aniccā,||
yad aniccaṁ taṁ dukkhaṁ,||
yaṁ dukkhaṁ tad anattā,||
yad anattā taṁ:|| ||

'N'etaṁ mama,||
n'eso ham asmi,||
na me'so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ. || ||

■

7. Poṭṭhabbā anicco,||
yad aniccaṁ taṁ dukkhaṁ,||
yaṁ dukkhaṁ tad anattā,||
yad anattā taṁ:|| ||

'N'etaṁ mama,||
n'eso ham asmi,||
na me'so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ. || ||

■

8. Dhammā anicco,||
yad aniccaṁ taṁ dukkhaṁ,||
yaṁ dukkhaṁ tad anattā,||
yad anattā taṁ:|| ||

'N'etaṁ mama,||
n'eso ham asmi,||
na me'so attā' ti.|| ||

Evam etaṁ yathā-bhūtaṁ samma-p-paññāya daṭṭhabbaṁ. || ||

§

9. Evaṁ passaṁ bhikkhave sutavā ariya-sāvako rūpesu pi nibbindati,||
saddesu pi nibbindati,||
gandhesu pi nibbindati,||
rasesu pi nibbindati,||
phoṭṭhabbesu pi nibbindati,||
dhammesu pi nibbindati,||
nibbindaṁ virajjati,||
virāgā vimuccati,||
vimuttasmiṁ 'vimuttami' ti ñāṇaṁ hoti:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ,||
nāparaṁ itthattāyā' ti||
pajānātī" ti.|| ||