Saṃyutta Nikāya
4. Saḷāyatana Vagga
35. Saḷāyatana Saṃyutta
§ I: Mūla-Paññāsa
1. Anicca Vagga Paṭhama
Sutta 10
Dutiya Bāhira Anicca Suttaṃ (Aniccam 4; Bāhiram)
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
2. Tatra kho Bhagavā bhikkhū āmantesi|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
3. Bhagavā etad avoca:|| ||
"Rūpā bhikkhave aniccā atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave sutavā ariya-sāvako atītesu rūpesu anapekho hoti,||
anāgataṃ rūpe n'ābhinandati,||
pacc'uppannānaṃ rūpānaṃ||
nibbidāya||
virāgāya||
nirodhāya paṭipanno hoti.|| ||
■
Saddā aniccā atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave sutavā ariya-sāvako atītesu saddesu anapekho hoti,||
anāgate sadde n'ābhinandati,||
pacc'uppannānaṃ saddānaṃ||
nibbidāya||
virāgāya||
nirodhāya paṭipanno hoti.|| ||
■
Gandhā aniccā atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave sutavā ariya-sāvako atītesu gandhesu anapekho hoti,||
anāgate gandhe n'ābhinandati,||
pacc'uppannānaṃ gandhānaṃ||
nibbidāya||
virāgāya||
nirodhāya paṭipanno hoti.|| ||
■
Rasā aniccā atīt-ā-nāgatā,||
ko pana vādo pacc'uppannāya.|| ||
Evaṃ passaṃ bhikkhave sutavā ariya-sāvako atītesu rasesu anapekho hoti,||
anāgate rase n'ābhinandati,||
pacc'uppannānaṃ rasānaṃ||
nibbidāya||
virāgāya||
nirodhāya paṭipanno hoti.|| ||
Phoṭṭhabbā aniccā atīt-ā-nāgato,||
ko pana vādo pacc'uppannassa.|| ||
Evaṃ passaṃ bhikkhave sutavā ariya-sāvako atītesu phoṭṭhabbesu anapekho hoti,||
anāgate phoṭṭhabbe n'ābhinandati,||
pacc'uppannānaṃ phoṭṭhabbānaṃ||
nibbidāya||
virāgāya||
nirodhāya paṭipanno hoti.|| ||
■
Dhammā aniccā atīt-ā-nāgato,||
ko pana vādo pacc'uppannassa.|| ||
Evaṃ passaṃ bhikkhave sutavā ariya-sāvako atītesu dhammesu anapekho hoti,||
anāgate dhamme n'ābhinandati,||
pacc'uppannānaṃ dhammānaṃ||
nibbidāya||
virāgāya||
nirodhāya paṭipanno hoti" ti.|| ||
