Dutiya Uppāda Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

3. Bhagavā etad avoca:|| ||

"Yo bhikkhave rūpānaṁ uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṁ ṭhiti||
jarā-maraṇassa pātu-bhāvo.|| ||

Yo saddānaṁ uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṁ ṭhiti||
jarā-maraṇassa pātu-bhāvo.|| ||

Yo gandhānaṁ uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṁ ṭhiti||
jarā-maraṇassa pātu-bhāvo.|| ||

Yo rasānaṁ uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṁ ṭhiti||
jarā-maraṇassa pātu-bhāvo.|| ||

Yo phoṭṭhabbānaṁ uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṁ ṭhiti||
jarā-maraṇassa pātu-bhāvo.|| ||

Yo dhammānaṁ uppādo||
ṭhiti||
abhinibbatti||
pātu-bhāvo,||
dukkhasseso uppādo||
rogānaṁ ṭhiti||
jarā-maraṇassa pātu-bhāvo.|| ||

Yo ca kho bhikkhave rūpānaṁ nirodho||
vūpasamo||
attha-gamo,||
dukkhasseso nirodho||
rogānāṁ vūpasamo||
jarā-maraṇassa attha-gamo.|| ||

Yo saddānaṁ nirodho||
vūpasamo||
attha-gamo,||
dukkhasseso nirodho||
rogānaṁ vūpasamo||
jarā-maraṇassa attha-gamo.|| ||

Yo gandhānaṁ nirodho||
vūpasamo||
attha-gamo,||
dukkhasseso nirodho||
rogānaṁ vūpasamo||
jarā-maraṇassa attha-gamo.|| ||

Yo rasānaṁ nirodho||
vūpasamo||
attha-gamo,||
dukkhasseso nirodho||
rogānaṁ vūpasamo||
jarā-maraṇassa attha-gamo.|| ||

Yo phoṭṭhabbānaṁ nirodho||
vūpasamo||
attha-gamo,||
dukkhasseso nirodho||
rogānaṁ vūpasamo||
jarā-maraṇassa attha-gamo.|| ||

[15] Yo dhammānaṁ nirodho||
vūpasamo||
attha-gamo,||
dukkhasseso nirodho||
rogānaṁ vūpasamo||
jarā-maraṇassa attha-gamo" ti.|| ||