Parihāna-Dhamma Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh][olds] Ekaṁ samayaṁ Bhagavā Rājagahe viharati Veḷuvane Kalandakanivāpe.|| ||

2. "Parihāna-dhammañ ca vo bhikkhave, desissāmi||
aparihāna-dhammañ ca||
cha ca abhibh'āyatanāni.|| ||

3. Kathañ ca bhikkhave parihāna-dhammo hoti?|| ||

4. Idha, bhikkhave, bhikkhuno cakkhunā rūpaṁ disvā||
uppajjanti pāpakā akusalā dhammā||
sara-saṅkappā||
saṁyojanīyā.|| ||

Tañ ce bhikkhu adhivāseti||
na pajahati||
na vinodeti||
na vyantī-karoti||
na anabhāvaṁ gameti||
veditabbam etaṁ bhikkhave bhikkhunā,||
'Parihāyāmi kusalehi dhammehi||
parihānaṁ h'etaṁ vuttaṁ Bhagavatā' ti.|| ||

■

5. Puna ca paraṁ bhikkhave,||
bhikkhuno sotena saddaṁ sutvā||
uppajjanti pāpakā akusalā dhammā||
sara-saṅkappā||
saṁyojanīyā.|| ||

■

6. Puna ca paraṁ bhikkhave,||
bhikkhuno ghānena gandhaṁ ghāyitvā||
uppajjanti pāpakā akusalā dhammā||
sara-saṅkappā||
saṁyojanīyā.|| ||

■

7. Puna ca paraṁ bhikkhave,||
bhikkhuno jivhāya rasaṁ sāyitvā||
uppajjanti pāpakā akusalā dhammā||
sara-saṅkappā||
saṁyojanīyā.|| ||

■

8. Puna ca paraṁ bhikkhave,||
bhikkhuno kāyena phoṭṭhabbaṁ phusitvā||
uppajjanti pāpakā akusalā dhammā||
sara-saṅkappā||
saṁyojanīyā.|| ||

■

9. Puna ca paraṁ bhikkhave, bhikkhuno manasā dhammaṁ [77] viññāya||
uppajjanti pāpakā akusalā dhammā||
sara-saṅkappā||
saṁyojanīyā.|| ||

10. Evaṁ kho bhikkhave parihāna dhammo hoti.|| ||

11. Kathañ ca bhikkhave aparihāna-dhammo hoti?|| ||

12. Idha, bhikkhave, bhikkhuno cakkhunā rūpaṁ disvā||
ūppajjanti pāpakā akusalā dhammā||
sara-saṅkappā||
saṁyojanīyā.|| ||

Tañ ce bhikkhave bhikkhū||
nādhivāseti||
na pajahati||
na vinodeti||
na vyantī-karoti||
na anabhāvaṁ gameti.|| Veditabbam etaṁ bhikkhave bhikkhunā
'Na parihāyāmi kusalehi dhammehi
aparihānaṁ h'etaṁ vuttam Bhagavatā' ti|| ||

■

13. Puna ca paraṁ bhikkhave, bhikkhuno sotena saddaṁ sutvā||
ūppajjanti pāpakā akusalā dhammā||
sara-saṅkappā||
saṁyojanīyā.|| ||

■

14. Puna ca paraṁ bhikkhave, bhikkhuno ghānena gandhaṁ ghāyitvā||
ūppajjanti pāpakā akusalā dhammā||
sara-saṅkappā||
saṁyojanīyā.|| ||

■

15. Puna ca paraṁ bhikkhave, bhikkhuno jivhāya rasaṁ sāyitvā||
ūppajjanti pāpakā akusalā dhammā||
sara-saṅkappā||
saṁyojanīyā.|| ||

■

16. Puna ca paraṁ bhikkhave, bhikkhuno kāyena phoṭṭhabbaṁ phusitvā||
ūppajjanti pāpakā akusalā dhammā||
sara-saṅkappā||
saṁyojanīyā.|| ||

■

17. Puna ca paraṁ bhikkhave, bhikkhuno manasā dhammaṁ viññāya||
ūppajjanti pāpakā akusalā dhammā||
sara-saṅkappā||
saṁyojanīyā.|| ||

18. Evam kho bhikkhave aparihāna-dhammo hoti|| ||

19. Katamāni ca bhikkhave cha abhibh'āyatanāni?|| ||

20. Idha, bhikkhave, bhikkhuno cakkhunā rūpaṁ disvā||
nuppajjanti pāpakā akusalā dhammā||
sara-saṅkappā||
saṁyojaniyā.|| ||