Saṃyutta Nikāya
4. Saḷāyatana Vagga
35. Saḷāyatana Saṃyutta
§ III: Paññāsaka Tatiya
4. Devadaha Vagga
Sutta 143
Dutiya Bāhira-Dukkha aka Hetunā Bāhira Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ:|| ||
Ekaṃ samayaṃ Bhagavā sakkesu viharati devadahaṃ nāma Sakyānaṃ nigamo.|| ||
2. Tatra kho Bhagavā bhikkhū āmantesi|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
3. Bhagavā etad avoca:|| ||
"Rūpa bhikkhave dukkhā,||
yo pi hetu||
yo pi paccayo||
rupānam uppādāya||
so pi dukkho.|| ||
Dukkha-sambhūtaṃ bhikkhave||
rūpa kuto sukhā bhavissati?|| ||
■
Saddā dukkhā,||
yo pi hetu||
yo pi paccayo||
saddānaṃ uppādāya so pi dukkho.|| ||
Dukkha-sambhūtaṃ bhikkhave||
saddā kuto sukhā bhavissati?|| ||
■
Gandhā dukkhā,||
yo pi hetu||
yo pi paccayo||
gandhānaṃ uppādāya so pi dukkho.|| ||
Dukkha-sambhūtaṃ bhikkhave||
gandhā kuto sukhā bhavissati?|| ||
■
Rasā dukkhā,||
yo pi hetu||
yo pi paccayo||
rasānaṃ uppādāya so pi dukkho.|| ||
Dukkha-sambhūtā bhikkhave||
rasā kuto sukhā bhavissati?|| ||
■
Phoṭṭhabbā dukkho,||
yo pi hetu||
yo pi paccayo||
phoṭṭhabbānaṃ uppādāya so pi dukkho.|| ||
Dukkha-sambhūto bhikkhave||
phoṭṭhabbā kuto sukhā bhavissati?|| ||
■
Dhammā dukkho,||
yo pi hetu||
yo pi paccayo||
dhammānaṃ uppādāya so pi dukkho.
Dukkha-sambhūto bhikkhave||
dhammā kuto sukhā bhavissati?|| ||
§
Evam passaṃ bhikkhave sutavā ariya-sāvako cakkhusmim pi nibbindati,||
rūpesu pi nibbindati,||
cakkhu-viññāṇe pi nibbindati,||
cakkhu-samphasse pi nibbindati.|| ||
Yam pidaṃ cakkhu-samphassa-paccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā tasmim pi nibbindati.|| ||
■
Evam passaṃ bhikkhave sutavā ariya-sāvako sotasmim pi nibbindati,||
saddā pi nibbindati,||
sota-viññāṇe pi nibbindati,||
sota-samphasse pi nibbindati.|| ||
Yam pidaṃ sota-samphassa-paccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā tasmim pi nibbindati.|| ||
■
Evam passaṃ bhikkhave sutavā ariya-sāvako ghānasmim pi nibbindati,||
gandhā pi nibbindati,||
ghāna-viññāṇe pi nibbindati,||
ghāna-samphasse pi nibbindati.|| ||
Yam pidaṃ ghāna-samphassa-paccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā tasmim pi nibbindati.|| ||
■
Evam passaṃ bhikkhave sutavā ariya-sāvako jivhāya pi nibbindati,||
rasesu pi nibbindati,||
jivhā-viññāṇe pi nibbindati,||
jivhā-samphasse pi nibbindati.|| ||
Yam pidaṃ jivhā-samphassa-paccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā tasmim pi nibbindati.|| ||
■
Evam passaṃ bhikkhave sutavā ariya-sāvako kāyasmim
phoṭṭhabbā pi nibbindati,||
kāya-viññāṇe pi nibbindati,||
kāya-samphasse pi nibbindati.|| ||
Yam pidaṃ kāya-samphassa-paccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā tasmim pi nibbindati.|| ||
■
Evam passaṃ bhikkhave sutavā ariya-sāvako manasmim pi nibbindati,||
dhammesu pi nibbindati||
mano-viññāṇe pi nibbindati,||
mano-samphasse pi nibbindati.|| ||
Yam pidaṃ mano-samphassa-paccayā uppajjati vedayitaṃ sukhaṃ vā dukkhaṃ vā adukkha-m-asukhaṃ vā tasmim pi nibbindati.|| ||
■
Nibbindaṃ virajjati virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ||
nāparaṃ itthattāyā' ti pajānātī" ti.|| ||
