Saṁyutta Nikāya:
IV. Saḷāyatana Vagga
35: Saḷāyatana Saṁyutta
Paññāsaṁ Catutthaṁ
1. Nandi-k-khaya Vagga

Sutta 155

Paṭhama Nandi-k-Khaya Suttaṁ (Ajjhatta)

 

---

[142]

[1][pts][olds] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

3. Bhagavā etad avoca:|| ||

"Aniccaṁ yeva bhikkhave bhikkhu cakkhuṁ aniccanti passati||
sāyam hoti sammā-diṭṭhi,||
sammā sampassaṁ nibbindati,||
nandi-k-khayā rāga-k-khayo||
rāga-k-khayā nandi-k-khayo|| ||

Nandi-rāga-k-khayā cittaṁ 'su-vimuttan' ti vuccati.|| ||

■

Aniccaṁ yeva bhikkhave bhikkhu sotaṁ aniccanti passati||
sāyam hoti sammā-diṭṭhi,||
sammā sampassaṁ nibbindati,||
nandi-k-khayā rāga-k-khayo||
rāga-k-khayā nandi-k-khayo.|| ||

Nandi-rāga-k-khayā cittaṁ 'su-vimuttan' ti vuccati.|| ||

■

Aniccaṁ yeva bhikkhave bhikkhu ghānaṁ aniccanti passati||
sāyam hoti sammā-diṭṭhi,||
sammā sampassaṁ nibbindati,||
nandi-k-khayā rāga-k-khayo||
rāga-k-khayā nandi-k-khayo|| ||

Nandi-rāga-k-khayā cittaṁ 'su-vimuttan' ti vuccati.|| ||

■

Aniccaṁ yeva bhikkhave bhikkhu jivhaṁ aniccanti passati||
sāyam hoti sammā-diṭṭhi,||
sammā sampassaṁ nibbindati,||
nandi-k-khayā rāga-k-khayo||
rāga-k-khayā nandi-k-khayo|| ||

Nandi-rāga-k-khayā cittaṁ 'su-vimuttan' ti vuccati.|| ||

■

Aniccaṁ yeva bhikkhave bhikkhu kāyaṁ aniccanti passati||
sāyam hoti sammā-diṭṭhi,||
sammā sampassaṁ nibbindati,||
nandi-k-khayā rāga-k-khayo||
rāga-k-khayā nandi-k-khayo|| ||

Nandi-rāga-k-khayā cittaṁ 'su-vimuttan' ti vuccati.|| ||

■

Aniccaṁ yeva bhikkhave bhikkhu manaṁ aniccanti passati||
sāyam hoti sammā-diṭṭhi,||
sammā sampassaṁ nibbindati,||
nandi-k-khayā rāga-k-khayo||
rāga-k-khayā nandi-k-khayo|| ||

Nandi-rāga-k-khayā cittaṁ 'su-vimuttan' ti vuccati" ti.|| ||