Saṁyutta Nikāya
4. Saḷāyatana Vagga
35. Saḷāyatana Saṁyutta
§ IV: Paññāsaka Catuttha
1. Nandi-k-Khaya Vagga

Sutta 157

Tatiya Nandi-k-khaya Suttaṁ (Ajjhattana/Yoniso)

 

---

[142]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

3. Bhagavā etad avoca:|| ||

"Cakkhuṁ bhikkhave yoniso manasi karotha,||
cakkhu-niccatañ ca yathā-bhūtaṁ samanupassatha.|| ||

Cakkhuṁ bhikkhave bhikkhu yoniso manasi karonto||
cakkhu-niccatañ ca yathā-bhūtaṁ samanupassanto||
cakkhusmim pi nibbindati,||
nandi-k-khayā rāga-k-khayo,||
rāga-k-khayā nandi-k-khayo.|| ||

Nnandi-rāga-k-khayā cittaṁ 'su-vimuttan' ti vuccati.|| ||

■

[143] Sotaṁ bhikkhave yoniso manasi karotha,||
sotā-niccatañ ca yathā-bhūtaṁ samanupassatha.|| ||

Sotaṁ bhikkhave bhikkhu yoniso manasi karonto||
sotā-niccatañ ca yathā-bhūtaṁ samanupassanto||
sotasmim pi nibbindati,||
nandi-k-khayā rāga-k-khayo,||
rāga-k-khayā nandi-k-khayo.|| ||

Nnandi-rāga-k-khayā cittaṁ 'su-vimuttan' ti vuccati.|| ||

■

Ghānaṁ bhikkhave yoniso manasi karotha,||
ghānā-niccatañ ca yathā-bhūtaṁ samanupassatha.|| ||

Ghānaṁ bhikkhave bhikkhu yoniso manasi karonto||
ghānāniccatañ ca yathā-bhūtaṁ samanupassanto||
ghānasmim pi nibbindati,||
nandi-k-khayā rāga-k-khayo,||
rāga-k-khayā nandi-k-khayo.|| ||

Nnandi-rāga-k-khayā cittaṁ 'su-vimuttan' ti vuccati.|| ||

■

Jivhaṁ bhikkhave yoniso manasi karotha,||
jivhā-niccatañ ca yathā-bhūtaṁ samanupassatha.|| ||

Jivhaṁ bhikkhave bhikkhu yoniso manasi karonto||
jivhā-niccatañ ca yathā-bhūtaṁ samanupassanto||
jivhāya pi nibbindati,||
nandi-k-khayā rāga-k-khayo,||
rāga-k-khayā nandi-k-khayo.|| ||

Nnandi-rāga-k-khayā cittaṁ 'su-vimuttan' ti vuccati.|| ||

■

Kāyaṁ bhikkhave yoniso manasi karotha,||
kāyā-niccatañ ca yathā-bhūtaṁ samanupassatha.|| ||

Kāyaṁ bhikkhave bhikkhu yoniso manasi karonto||
kāyā-niccatañ ca yathā-bhūtaṁ samanupassanto||
kāyasmim pi nibbindati,||
nandi-k-khayā rāga-k-khayo,||
rāga-k-khayā nandi-k-khayo.|| ||

Nnandi-rāga-k-khayā cittaṁ 'su-vimuttan' ti vuccati.|| ||

■

Manaṁ bhikkhave yoniso manasi karotha,||
manā-niccatañ ca yathā-bhūtaṁ samanupassatha.|| ||

Manaṁ bhikkhave bhikkhu yoniso manasi karonto||
manā-niccatañ ca yathā-bhūtaṁ samanupassanto||
manasmim pi nibbindati,||
nandi-k-khayā rāga-k-khayo,||
rāga-k-khayā nandi-k-khayo.|| ||

Nnandi-rāga-k-khayā cittaṁ 'su-vimuttan' ti vuccati" ti.|| ||