Saṁyutta Nikāya
4. Saḷāyatana Vagga
35. Saḷāyatana Saṁyutta
§ IV: Paññāsaka Catuttha
3. Samudda Vagga

Sutta 193

Udāyī Suttaṁ

[166]

---

[1][pts][bodh][than][olds] Evaṁ me sutaṁ:|| ||

Ekaṁ samayaṁ āyasmā ca Ānando āyasmā ca Udāyī Kosambīyaṁ viharanti Ghosit'ārāme.|| ||

[2][pts][bodh][than][olds] Atha kho āyasmā Udāyī sāyaṇha-samayaṁ paṭisallāṇā vuṭṭhito yen'āyasmā Ānando ten'upasaṅkami.|| ||

Upasaṅkamitvā [āyasmatā Ānandena saddhiṁ sammodi.|| ||

Sammodanīyaṁ kathaṁ sārāṇīyaṁ] vīti-sāretvā eka-m-antaṁ nisīdi.|| ||

[3][pts][bodh][than][olds] Eka-m-antaṁ nisinno kho āyasmā Udāyī āyasmantaṁ Ānandaṁ etad avoca:|| ||

"Yatheva nu kho āvuso Ānanda ayaṁ kāyo Bhagavatā aneka-pariyāyena akkhāto vivaṭo pakāsito:|| ||

'Iti pi ayaṁ kāyo anattā' ti.|| ||

Sakkā evam evaṁ viññāṇam pi ācikkhituṁ desetuṁ paññāpetuṁ paṭṭhapetuṁ vivarituṁ vibhajituṁ uttānīkātuṁ:|| ||

'Iti pidaṁ viññāṇaṁ anattā' ti" ti?|| ||

"Yatheva kho āvuso Udāyī ayaṁ kāyo Bhagavatā aneka-pariyāyena akkhāto vivaṭo pakāsito:|| ||

'Iti pāyaṁ kāyo anattā' ti.|| ||

Sakkā evam evaṁ viññāṇam pi ācikkhituṁ desetuṁ paññāpetuṁ paṭṭhapetuṁ vivarituṁ vibhajituṁ uttānīkātuṁ:|| ||

'Iti pidaṁ viññāṇaṁ anattā' ti" ti.|| ||

[4][pts][bodh][than][olds] Cakkhuñ c'āvuso paṭicca rūpe ca uppajjati cakkhu-viññāṇan" ti?|| ||

[167] "Evam āvuso" ti.|| ||

Yo cāvuso hetu||
yo ca paccayo||
cakkhu-viññāṇassa uppādāya||
so ca hetu||
so ca paccayo||
sabbena sabbaṁ sabbathā sabbaṁ aparisesā nirujjheyya,||
api nū kho cakkhu-viññāṇaṁ paññāyethā" ti?|| ||

"No h'etaṁ āvuso" ti.|| ||

"Iminā pi kho etaṁ āvuso pariyāyena Bhagavatā akkhātaṁ vivaṭaṁ pakāsitaṁ:|| ||

'Iti pidaṁ viññāṇaṁ anattā' ti" ti.|| ||

[5][pts][bodh][than][olds] Sotañ c'āvuso paṭicca sadde ca uppajjati sota-viññāṇan" ti?|| ||

"Evam āvuso" ti.|| ||

Yo cāvuso hetu||
yo ca paccayo||
sota-viññāṇassa uppādāya so ca hetu so ca paccayo sabbena sabbaṁ sabbathā sabbaṁ aparisesā nirujjheyya, api nū kho sota-viññāṇaṁ paññāyethā" ti?|| ||

"No h'etaṁ āvuso" ti.|| ||

"Iminā pi kho etaṁ āvuso pariyāyena Bhagavatā akkhātaṁ vivaṭaṁ pakāsitaṁ:|| ||

'Iti pidaṁ viññāṇaṁ anattā' ti" ti.|| ||

[6][pts][bodh][than][olds] Ghānañ c'āvuso paṭicca gandhe ca uppajjati ghāna-viññāṇan" ti?|| ||

"Evam āvuso" ti.|| ||

Yo cāvuso hetu||
yo ca paccayo||
ghāna-viññāṇassa uppādāya so ca hetu so ca paccayo sabbena sabbaṁ sabbathā sabbaṁ aparisesā nirujjheyya, api nu kho ghāna-viññāṇaṁ paññāyethā" ti?|| ||

"No h'etaṁ āvuso" ti.|| ||

"Iminā pi kho etaṁ āvuso pariyāyena Bhagavatā akkhātaṁ vivaṭaṁ pakāsitaṁ:|| ||

'Iti pidaṁ viññāṇaṁ anattā' ti" ti.|| ||

[7][pts][bodh][than][olds] Jivhañ c'āvuso paṭicca rase ca uppajjati jivhā-viññāṇan" ti?|| ||

"Evam āvuso" ti.|| ||

Yo cāvuso hetu||
yo ca paccayo||
jivhā-viññāṇassa uppādāya so ca hetu so ca paccayo sabbena sabbaṁ sabbathā sabbaṁ aparisesā nirujjheyya, api nū kho jivhā-viññāṇaṁ paññāyethā" ti?|| ||

"No h'etaṁ āvuso" ti.|| ||

"Iminā pi kho etaṁ āvuso pariyāyena Bhagavatā akkhātaṁ vivaṭaṁ pakāsitaṁ:|| ||

'Iti pidaṁ viññāṇaṁ anattā' ti" ti.|| ||

[8][pts][bodh][than][olds] Kāyañ c'āvuso paṭicca phoṭṭhabbe ca uppajjati kāya-viññāṇan" ti?|| ||

"Evam āvuso" ti.|| ||

Yo cāvuso hetu||
yo ca paccayo||
kāya-viññāṇassa uppādāya so ca hetu so ca paccayo sabbena sabbaṁ sabbathā sabbaṁ aparisesā nirujjheyya, api nū kho kāya-viññāṇaṁ paññāyethā" ti?|| ||

"No h'etaṁ āvuso" ti.|| ||

"Iminā pi kho etaṁ āvuso pariyāyena Bhagavatā akkhātaṁ vivaṭaṁ pakāsitaṁ:|| ||

'Iti pidaṁ viññāṇaṁ anattā' ti" ti.|| ||

[9][pts][bodh][than][olds] Manañ c'āvuso paṭicca dhamme ca uppajjati mano-viññāṇan" ti?|| ||

"Evam āvuso" ti.|| ||

Yo cāvuso hetu||
yo ca paccayo||
mano-viññāṇassa uppādāya so ca hetu so ca paccayo sabbena sabbaṁ sabbathā sabbaṁ aparisesā nirujjheyya, api nū kho mano-viññāṇaṁ paññāyethā" ti?|| ||

"No h'etaṁ āvuso" ti.|| ||

"Iminā pi kho etaṁ āvuso pariyāyena Bhagavatā akkhātaṁ vivaṭaṁ pakāsitaṁ:|| ||

'Iti pidaṁ viññāṇaṁ anattā' ti" ti.|| ||

[10][pts][bodh][than][olds] Seyyathā pi āvuso puriso sāratthiko sāragavesī sārapariyesanaṁ caramāno tiṇhaṁ kuṭhāriṁ ādāya vanaṁ paviseyya,||
so tattha passeyya mahantaṁ kadali-k-khandhaṁ ujuṁ navakaṁ akukkukajātaṁ.|| ||

Tam enaṁ mūle [168] chindeyya||
mūle chetvā agge chindeyya||
agge chetvā pattavaṭṭiṁ vinibbhujjeyye.|| ||

So tattha pheggum nādhigaccheyya.|| ||

Kuto sāraṁ.|| ||

[11][pts][bodh][than][olds] Evam eva kho āvuso bhikkhu chasu phass'āyatanesu n'evaattāṇaṁ na ataniyaṁ samanupassati,||
so evaṁ asamanupassanto na kiñci loke upādiyati,||
anupādiyaṁ na paritassati,||
aparitassaṁ paccattaṁ n'eva parinibkhāyati:|| ||

'Khīṇā jāti,||
vusitaṁ Brahma-cariyaṁ,||
kataṁ karaṇīyaṁ||
nāparaṁ||
itthattāyā' ti pajānātī" ti.|| ||