Anicca Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][nypo][olds][bodh] Evaṃ me sutaṃ:|| ||

Ekaṃ samayaṃ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṃ.|| ||

3. Bhagavā etad avoca:|| ||

"Tisso imā bhikkhave vedanā||
aniccā||
saṇkhatā||
paṭicca-samuppannā||
khaya-dhammā||
vaya-dhammā||
virāgadhammā||
nirodha-dhammā.|| ||

Katamā tisso?|| ||

Sukhā vedanā||
dukkhā vedanā||
adukkha-m-asukhā vedanā.|| ||

Imā kho bhikkhave tisso vedanā||
aniccā||
saṇkhatā||
paṭicca-samuppannā||
khaya-dhammā||
vaya-dhammā||
virāgadhammā||
nirodha-dhammā" ti.|| ||