Saṁyutta Nikāya
4. Saḷāyatana Vagga
42. Gāmani Saṁyutta

Sutta 12

Rāsiya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[330]

[1][pts] Evaṁ me sutaṁ:|| ||

Atha kho Rāsiyo gāmaṇi yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho Rāsiyo gāmaṇi Bhagavantaṁ etad avoca:|| ||

"Sutaṁ me taṁ bhante:|| ||

'Samaṇo Gotamo sabbaṁ tapaṁ garahati,||
sabbaṁ tapassiṁ lūkh-ā-jīviṁ ekaṁ-sena upavadati upakkosatī' ti.|| ||

Ye te bhante evam āhaṁsu:|| ||

'Samaṇo Gotamo sabbaṁ tapaṁ garahati,||
sabbaṁ tapassiṁ lukhajīviṁ ekaṁ-sena upavadati upakkosatī' ti,||
kacci te bhante Bhagavato vutta-vādino||
na ca Bhagavantaṁ abhūtena abbh'ācikkhanti,||
Dhammānudhammaṁ vyākaronti,||
na ca koci saha-dhammiko vādānupāto gārayhaṁ ṭhānaṁ āga-c-chatī" ti?|| ||

"Ye te gāmaṇi evam āhaṁsu:|| ||

'Samaṇo Gotamo sabbaṁ tapaṁ garahati,||
sabbaṁ tapassiṁ lukhajīviṁ ekaṁ-sena upavadati upakkosatī' ti,||
na me te vutta-vādino,||
abbh'ācikkhanti ca pana maṁ te asatā abhūtena.|| ||

1.

Dve me gāmaṇi antā pabba-jitena na sevitabbā:|| ||

Yo c'āyaṁ kāmesu kāma-sukhallikānuyogo||
hīno||
gammo||
pothujjaniko||
anariyo||
anattha-saṁhito,|| ||

Yo c'āyaṁ attakilamathānuyogo||
dukkho||
anariyo||
anattha-saṁhito,||
ete te gāmaṇi ubho ante anupagamma majjhimā paṭipadā Tathāgatena abhi- [331] sambuddhā cakkhu-karaṇī||
ñāṇa-karaṇī||
upasamāya||
abhiññāya||
sambodhāya||
Nibbānāya saṁvaṭṭati.|| ||

Katamā ca sā gāmaṇi majjhimā paṭipadā Tathāgatena abhisambuddhā cakkhu-karaṇī||
ñāṇa-karaṇī||
upasamāya||
abhiññāya||
sambodhāya||
Nibbānāya saṁvaṭṭati,||
ayam eva Ariyo Aṭṭh'aṅgiko Maggo,||
seyyath'īdaṁ:|| ||

Sammā-diṭṭhi||
sammā-saṅkappo||
sammā-vācā||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi.|| ||

Ayaṁ kho sā gāmaṇi majjhimā paṭipadā Tathāgatena abhisambuddhā cakkhu-karaṇī||
ñāṇa-karaṇī||
upasamāya||
abhiññāya||
sambodhāya||
Nibbānāya saṁvaṭṭati.|| ||

2.

Tayo kho me gāmaṇi kāma-bhogino santo saṁvijj'amānā lokasmiṁ.|| ||

Katame tayo?|| ||

(i)

Idha gāmaṇi ekacco kāma-bhogī||
adhammena bhoge pariyesati sāhasena||
adhammena bhoge pariyesitvā sāhasena||
na attāṇaṁ sukheti pīṇeti||
na saṁvibhajati||
na puññāni karoti.|| ||

(ii)

Idha gāmaṇi ekacco kāma-bhogī||
adhammena bhoge pariyesati sāhasena||
adhammena bhoge pariyesitvā sāhasena||
attāṇaṁ sukheti pīṇeti||
na saṁvibhajati||
na puññāni karoti.|| ||

(iii)

Idha gāmaṇi ekacco kāma-bhogī||
adhammena bhoge pariyesati sāhasena||
adhammena bhoge pariyesitvā sāhasena||
attāṇaṁ sukheti pīṇeti||
saṁvibhajati||
puññāni ca karoti.|| ||

(iv)

Idha pana gāmaṇi ekacco kāma-bhogī||
dhamm-ā-dhammena bhoge pariyesati sāhasena pi asāhasena pi,||
dhamm-ā-dhammena bhoge pariyesitvā sāhasena pi asāhasena pi||
[332] na attāṇaṁ sukheti pīṇeti,||
na saṁvibhajati,||
na puññāni karoti.|| ||

(v)

Idha pana gāmaṇi ekacco kāma-bhogī||
dhamm-ā-dhammena bhoge pariyesati sāhasena pi asāhasena pi,||
dhamm-ā-dhammena bhoge pariyesitvā sāhasena pi asāhasena pi||
attāṇaṁ sukheti pīṇeti||
na saṁvibhajati||
na puññāni karoti.|| ||

(vi)

(vii)

Idha pana gāmaṇi ekacco kāma-bhogī||
dhammena bhoge pariyesati asahasena,||
dhammena bhoge pariyesitvā asāhasena||
na attāṇaṁ sukheti pīṇeti||
na saṁvibhajati na puññāni karoti.|| ||

(viii)

Idha pana gāmaṇi ekacco kāma-bhogī||
dhammena bhoge pariyesati asahasena,||
dhammena bhoge pariyesitvā asāhasena||
attāṇaṁ sukheti pīṇeti||
na saṁvibhajati||
na puññāni karoti.|| ||

(ix)

Idha pana gāmaṇi ekacco kāma-bhogī||
dhammena bhoge pariyesati asahasena,||
dhammena bhoge pariyesitvā asāhasena||
attāṇaṁ sukheti pīṇeti||
saṁvibhajati||
puññāni ca karoti.|| ||

Te ca bhoge gathito,||
mucchito ajjhāpanno anādīnava-dassāvī||
anissaraṇa-pañño paribhuñjati.|| ||

(x)

Idha pana gāmaṇi ekacco kāma-bhogī||
dhammena bhoge pariyesati asahasena,||
dhammena bhoge pariyesitvā asāhasena||
[333]attāṇaṁ sukheti pīṇeti||
saṁvibhajati||
puññāni ca karoti.|| ||

Te ca bhoge agathito||
amucchito anajjhāpanno ādīnava-dassāvī||
nissaraṇa-paññe paribhuñjati.|| ||

3.

(i)

Tatra gāmaṇi yvāyaṁ kāma-bhogī||
adhammena bhoge pariyesati sāhasena,||
adhammena bhoge pariyesitvā sāhasena||
na attāṇaṁ sukheti pīṇeti||
na saṁvibhajati||
na puññāni karoti,||
ayaṁ gāmaṇi kāma-bhogī||
tīhi ṭhānehi gārayho.|| ||

Katamehi tīhi gārayho?|| ||

Adhammena bhoge pariyesati sāhasenāti||
iminā paṭhamena ṭhānena gārayho.|| ||

Na attāṇaṁ sukheti pīṇetīti||
iminā dutiyena ṭhānena gārayho.|| ||

Na saṁvibhajati||
na puññāni karotīti||
iminā tatiyena ṭhānena gārayho.|| ||

Ayaṁ gāmiṇī kāma-bhogī||
imehi tīhi ṭhānehi gārayho.|| ||

(ii)

Tatra gāmaṇi yvāyaṁ kāma-bhogī||
adhammena bhoge pariyesati sāhasena,||
adhammena bhoge pariyesitvā sāhasena||
attāṇaṁ sukheti pīṇeti||
na saṁvibhajati||
na puññāni karoti,||
ayaṁ gāmaṇi kāma-bhogī||
dvīhi ṭhānehi gārayho||
ekena ṭhānena pāsaṁso.|| ||

Katamehi dvīhi ṭhānehi gārayho?|| ||

Adhammena bhoge pariyesati sāhasenāti||
iminā paṭhamena ṭhānena gārayho.|| ||

Na saṁvibhajati na puññāni karotīti||
iminā dutiyena ṭhānena gārayho.|| ||

Katamena ekena ṭhānena pāsaṁso?|| ||

Attānaṁ sukheti pīṇetī ti.|| ||

Iminā ekena ṭhānena pāsaṁso.|| ||

Ayaṁ gāmaṇī kāma-bhogī||
imehi dvihī ṭhānehi gārayho,||
iminā ekena ṭhānena pāsaṁso.|| ||

(iii)

Tatra gāmaṇi yvāyaṁ kāma-bhogī||
adhammena bhoge pariyesati sāhasena,||
adhammena bhoge pariyesitvā sāha- [334] sena||
attāṇaṁ sukheti pīṇeti||
saṁvibhajati||
puññāni karoti,||
ayaṁ gāmaṇi kāma-bhogī||
ekena ṭhānena gārayho||
dvihi ṭhānehi pāsaṁso.|| ||

Katamena ekena ṭhānena gārayho?|| ||

Adhammena bhoge pariyesati sāhasenāti||
iminā ekena ṭhānena gārayho.|| ||

Katamehi dvīhi ṭhānehi pāsaṁso?|| ||

Attānaṁ sukheti pīṇetīti||
iminā paṭhamena ṭhānena pāsaṁso.|| ||

Saṁvibhajati puññāni karotīti||
iminā dutiyena ṭhānena pāsaṁso.|| ||

Ayaṁ gāmaṇi kāma-bhogī||
iminā ekena ṭhānena gārayho.|| ||

Imehi dvīhi ṭhānehi pāsaṁso.|| ||

(iv)

Tatra gāmaṇī yvāyaṁ kāma-bhogī||
dhamm-ā-dhammena bhoge pariyesati||
sāhasena pi asāhasena pi||
dhamm-ā-dhammena bhoge pariyesitvā||
sāhasena pi asāhasena pi||
na attāṇaṁ sukheti pīṇeti||
na saṁvibhajati||
na puññāni karoti||
ayaṁ gāmaṇi kāma-bhogī||
ekena ṭhānehi pāsaṁso,||
tīhi ṭhānehi gārayho.|| ||

Katamehi ekena ṭhānehi pāsaṁso?|| ||

Dhammena bhoge pariyesati||
asāhasenāti||
iminā ekena ṭhānena pāsaṁso.|| ||

Katamehi tīhi ṭhānehi gārayho?|| ||

Adhammena bhoge pariyesati||
sāhasenāti||
iminā paṭhamena ṭhānena gārayho.|| ||

Na attāṇaṁ sukheti pīṇeti ti||
iminā dutiyena ṭhānena gārayho.|| ||

Na saṁvibhajati||
na puññāni karotī||
iminā tatiyena ṭhānena gārayho.|| ||

Ayaṁ gāmaṇi kāma-bhogī||
imehi ekena ṭhānehi pāsaṁso,||
imehi tīhi ṭhānehi gārayho.|| ||

(v)

Tatra gāmaṇī yvāyaṁ kāma-bhogī||
dhamm-ā-dhammena bhoge pariyesati||
sāhasena pi asāhasena pi||
dhamm-ā-dhammena bhoge pariyesitvā||
sāhasena pi asāhasena pi||
attāṇaṁ sukheti pīṇeti||
na saṁvibhajati||
na puññāni karoti,||
ayaṁ gāmaṇi kāma-bhogī||
dvīhi ṭhānehi pāsaṁso,||
dvīhi ṭhānena gārayho.|| ||

Katamehi dvīhi ṭhānehi pāsaṁso?|| ||

Dhammena bhoge pariyesati asāhasenāti||
iminā paṭhamena ṭhānena pāsaṁso.|| ||

Attānaṁ sukheti pīṇetīti||
iminā dutiyena ṭhānena [335] pāsaṁso.|| ||

Katamehi dvīhi ṭhānehi gārayho?|| ||

Adhammena bhoge pariyesati||
sāhasenāti||
iminā paṭhamena ṭhānena gārayho.|| ||

Na saṁvibhajati||
na puññāni karoti||
imehi dutiyena ṭhānehi gārayho.|| ||

Ayaṁ gāmaṇi kāma-bhogī||
imehi dvīhi ṭhānehi pāsaṁso,||
imehi dvīhi ṭhānehi gārayho.|| ||

(vi)

Tatra gāmaṇi yvāyaṁ kāma-bhogī||
dhamm-ā-dhammena bhoge pariyesati||
sāhasena pi asāhasena pi||
dhamm-ā-dhammena bhoge pariyesitvā||
sāhasena pi asāhasena pi||
attāṇaṁ sukheti pīṇeti||
saṁvibhajati||
puññāni karoti,||
ayaṁ gāmaṇi kāma-bhogī||
tīhi ṭhānehi pāsaṁso,||
ekena ṭhānena gārayho.|| ||

Katamehi tīhi ṭhānehi pāsaṁso?|| ||

Dhammena bhoge pariyesati asāhasenāti||
iminā paṭhamena ṭhānena pāsaṁso.|| ||

Attānaṁ sukheti pīṇetīti||
iminā dutiyena ṭhānena pāsaṁso.|| ||

Saṁvibhajati||
puññāni karoti,||
iminā tatiyena ṭhānena pāsaṁso.|| ||

Katamehi ekena ṭhānehi gārayho?|| ||

Adhammena bhoge pariyesati||
sāhasenāti||
iminā ekena ṭhānena gārayho.|| ||

Ayaṁ gāmaṇi kāma-bhogī||
imehi tīhi ṭhānena pāsaṁso,||
iminā ekena ṭhānehi gārayho.|| ||

(vii)

Tatra gāmaṇi yvāyaṁ kāma-bhogī||
dhammena bhoge pariyesati asāhasena,||
dhammena bhoge pariyesitvā asāhasena||
na attāṇaṁ sukheti pīṇeti||
na saṁvibhajati||
na puññāni karoti||
ayaṁ gāmaṇi kāma-bhogī||
ekena ṭhānena pāsaṁso,||
dvīhi ṭhānehi gārayho.|| ||

Katamena ekena ṭhānena pāsaṁso?|| ||

Dhammena bhoge pariyesati asāhasenāti||
iminā ekena ṭhānena pāsaṁso.|| ||

Katamehi dvīhi ṭhānehi gārayho?|| ||

Na attāṇaṁ sukheti pīṇetīti||
iminā paṭhamena ṭhānena gārayho.|| ||

Na saṁvibhajati||
na puññāni karotīti||
iminā dutiyena ṭhānena gārayho.|| ||

Ayaṁ gāmaṇi kāma-bhogī||
iminā ekena ṭhānena pāsaṁso,||
imehi dvīhi ṭhānehi gārayho.|| ||

(viii)

[336] Tatra gāmaṇi yvāyaṁ kāma-bhogī||
dhammena bhoge pariyesati asāhasena,||
dhammena bhoge pariyesitvā asāhasena||
attāṇaṁ sukheti pīṇeti,||
na saṁvibhajati,||
na puññāni karoti,||
ayaṁ gāmaṇi kāma-bhogī||
dvīhi ṭhānehi pāsaṁso,||
ekena ṭhānena gārayho.|| ||

Katamehi dvīhi ṭhānehi pāsaṁso?|| ||

Dhammena bhoge pariyesati asāhasenāti||
iminā paṭhamena ṭhānena pāsaṁso.|| ||

Attānaṁ sukheti pīṇetīti||
iminā dutiyena ṭhānena pāsaṁso.|| ||

Katamena ekena ṭhānena gārayho?|| ||

Na saṁvibhajati||
na puññāni karotīti||
iminā ekena ṭhānena gārayho.|| ||

Ayaṁ gāmaṇi kāma-bhogī||
imehi dvīhi ṭhānehi pāsaṁso,||
iminā ekena ṭhānena gārayho.|| ||

(ix)

Tatra gāmaṇi yvāyaṁ kāma-bhogī||
dhammena bhoge pariyesati asāhasena,||
dhammena bhoge pariyesitvā asāhasena||
attāṇaṁ sukheti pīṇeti||
saṁvibhajati||
puññāni karoti,||
te ca bhoge gathito||
mucchito||
ajjhāpanno||
anādīnava-dassāvī||
anissaraṇa-pañño paribhuñjati,||
ayaṁ gāmaṇi kāma-bhogī||
tīhi ṭhānehi pāsaṁso,||
ekena ṭhānena gārayho.|| ||

Katamehi tīhi ṭhānehi pāsaṁso?|| ||

Dhammena bhoge pariyesati asāhasenāti||
iminā paṭhamena ṭhānena pāsaṁso.|| ||

Attānaṁ sukheti pīṇetīti||
iminā dutiyena ṭhānena pāsaṁso.|| ||

Saṁvibhajati||
puññāni karotīti||
iminā tatiyena ṭhānena pāsaṁso.|| ||

Katamena ekena ṭhānena gārayho?|| ||

Te ca bhoge gathito||
mucchito||
ajjhāpanno||
anādīnava-dassāvī||
anissaraṇa-pañño paribhuñjatīti||
iminā ekena ṭhānena gārayho.|| ||

Ayaṁ gāmaṇi kāma-bhogī||
imehi tīhi ṭhānehi pāsaṁso,||
iminā ekena ṭhānena gārayho.|| ||

(ix)

Tatra gāmaṇi yvāyaṁ kāma-bhogī||
dhammena bhoge pariyesati asāhasena,||
dhammena bhoge pariyesitvā asāhasena||
attāṇaṁ sukheti pīṇeti||
saṁvibhajati||
puññāni karoti,||
[337] te ca bhoge agathito||
amucchito||
anajjhāpanno||
ādīnava-dassāvī||
nissaraṇa pañño paribhuñjati,||
ayaṁ gāmaṇi kāma-bhogī||
catūhi ṭhānehi pāsaṁso.|| ||

Katamehi catūhi ṭhānehi pāsaṁso?|| ||

dhammena bhoge pariyesati asāhasenāti||
iminā paṭhamena ṭhānena pāsaṁso.|| ||

Attānaṁ sukheti pīṇetīti||
iminā dutiyena ṭhānena pāsaṁso.|| ||

Saṁvibhajati||
puññāni karotīti||
iminā tatiyena ṭhānena pāsaṁso.|| ||

Te ca bhoge agathito||
amucchito||
anajjhāpanno||
ādīnava-dassāvī||
nissaraṇa-pañño||
paribhuñjatīti||
iminā catutthena ṭhānena pāsaṁso.|| ||

Ayaṁ gāmaṇi kāma-bhogī||
imehi catūhi ṭhānehi pāsaṁso.|| ||

4.

Tayo me gāmaṇi tapassino lukhajīvino,||
santo saṁvijj'amānā lokasmiṁ.|| ||

Katame tayo?|| ||

(i)

Idha gāmaṇi ekacco tapassī lukhajīvi saddhā||
Agārasmā anagāriyaṁ pabba-jito hoti:|| ||

'App'eva nāma kusalaṁ dhammaṁ adhigaccheyyaṁ,||
app'eva nāma uttari-manussa dhammā||
alam ariya-ñāṇa-dassana-visesaṁ sacchi-kareyyan" ti.|| ||

So attāṇaṁ ātāpeti paritāpeti,||
kusalañ ca dhammaṁ nādhigacchati,||
uttari-manussaṁ-dhammā||
alam ariya-ñāṇa-dassana-visesaṁ||
na sacchi-karoti.|| ||

(ii)

Idha pana gāmaṇi ekacco tapassī lukhajīvī||
saddhā agārasmā anagāriyaṁ pabba-jito hoti:|| ||

"App'eva nāma kusalaṁ dhammaṁ adhigaccheyyaṁ,||
app'eva nāma uttari-manussa dhammā alam ariya-ñāṇa-dassana-visesaṁ sacchi-kareyyan" ti.|| ||

So attāṇaṁ ātāpeti paritāpeti,||
kusalañ ca kho dhammaṁ adhigacchati,||
uttariñ ca manussa-dhammā||
alam ariya-ñāṇa-dassana-visesaṁ||
na sacchi-karoti.|| ||

(iii)

[338] Idha pana gāmaṇi ekacco tapassī lukhajīvī||
saddhā agārasmā anagāriyaṁ pabba-jito hoti:|| ||

"App'eva nāma kusalaṁ dhammaṁ adhigaccheyyaṁ,||
app'eva nāma uttari-manussa-dhammā||
alam ariya-ñāṇa-dassana-visesaṁ sacchi-kareyyan" ti.|| ||

So attāṇaṁ ātāpeti paritāpeti,||
kusalañ ca dhammaṁ adhigacchati,||
uttari-manussa-dhammā||
alam ariya-ñāṇa-dassana-visesaṁ sacchi-karoti.|| ||

5.

(i)

Tatra gāmaṇi yvāyaṁ tapassī lukhajīvī||
attāṇaṁ ātāpeti paritāpeti,||
kusalañ ca dhammaṁ nādhigacchati,||
uttariñ ca manussa-dhammā||
alam ariya-ñāṇa-dassana-visesaṁ na sacchi-karoti.|| ||

Ayaṁ gāmaṇi tapassī lukhajīvi||
tīhi ṭhānehi gārayho.|| ||

Katamehi tīhi ṭhānehi garayho?|| ||

Attānaṁ ātāpeti paritāpetīti||
iminā paṭhamena ṭhānena gārayho.|| ||

Kusalañ ca dhammaṁ nādhigacchatīti||
iminā dutiyena ṭhānena gārayho.|| ||

Uttariñ ca manussa-dhammā||
alam ariya-ñāṇa-dassana-visesaṁ na sacchi-karotīti||
iminā tatiyena ṭhānena gārayho.|| ||

Ayaṁ gāmaṇi tapassī lukhajīvi||
imehi tīhi ṭhānehi gārayho.|| ||

(ii)

Tatra gāmaṇi yvāyaṁ tapassī lukhajīvī||
attāṇaṁ ātāpeti paritāpeti,||
kusalaṁ hi kho dhammaṁ adhigacchati,||
uttariñ ca manussa-dhammā||
alam ariya-ñāṇa-dassana-visesaṁ na sacchi-karoti.|| ||

Ayaṁ gāmaṇī tapassī lukhajīvi||
dvīhi ṭhānehi gārayho,||
ekena ṭhānena pāsaṁso.|| ||

Katamehi dvīhi ṭhānehi gārayho?|| ||

Attānaṁ ātāpetaki paritāpetīti||
iminā paṭhamena ṭhānena gārayho.|| ||

Uttariñ ca manussa-dhammā||
alam ariya-ñāṇa-dassana-visesaṁ na sacchi-karotīti||
iminā dutiyena ṭhānena gārayho.|| ||

Katamena ekena ṭhānena pāsaṁso?|| ||

Kusalaṁ hi kho dhammaṁ adhigacchatīti||
iminā ekena ṭhānena pāsaṁso.|| ||

Ayaṁ gāmaṇi tapassī lukhajīvī||
imehi dvīhi ṭhānehi gārayho,||
iminā ekena ṭhānena pāsaṁso.|| ||

(iii)

[339] Tatra gāmaṇi yvāyaṁ tapassī lukhajīvī||
attāṇaṁ ātāpeti paritāpeti,||
kusalañ ca dhammaṁ adhigacchati,||
uttariñ ca manussa-dhammā||
alam ariya-ñāṇa-dassana-visesaṁ sacchi-karoti||
ayaṁ gāmaṇi, tapassī lukhajīvī||
erakena ṭhānena gārayho,||
dvīhi ṭhānehi pāsaṁso.|| ||

Katamena ekena ṭhānena garayho?|| ||

Attānaṁ ātāpeti paritāpetīti||
iminā ekena ṭhānena gārayho.|| ||

Katamehi dvīhi ṭhānehi pāsaṁso?|| ||

Kusalañ ca dhammaṁ adhigacchatīti||
iminā paṭhamena ṭhānena pāsaṁso.|| ||

Uttariñ ca manussa-dhammā||
alam ariya-ñāṇa-dassana-visesaṁ sacchi-karotīti||
iminā dutiyena ṭhānena pāsaṁso.|| ||

Ayaṁ gāmaṇi tapassī lukhajīvī||
iminā ekena ṭhānena gārayho||
imehi dvīhi ṭhānehi pāsaṁso.|| ||

6.

Tisso imā gāmaṇi sandiṭṭhi-kā||
nijjarā||
akālikā||
ehi passikā||
opanayikā paccattaṁ||
veditabbā viññūhi.|| ||

Katamā tisso?|| ||

(i)

Yaṁ ratto rāgādhikaraṇaṁ attavyābādhāya pi ceteti,||
paravyābādhāya pi ceteti,||
ubhayavyābādhāya pi ceteti,||
rāge pahīne n'eva attavyābādhāya pi ceteti,||
na paravyābādhāya ceteti,||
na ubhayavyābādhāya ceteti||
sandiṭṭhi-kā||
nijjarā||
akālikā||
ehi passikā||
opanayikā paccattaṁ||
veditabbā viññūhi.|| ||

(ii)

Yaṁ duṭṭho dosādhikaraṇaṁ attavyābādhāya pi ceteti,||
paravyābādhāya pi ceteti,||
ubhayavyābādhāya pi ceteti||
dose pahīne n'eva attavyābādhaya pi ceteti,||
na paravyābādhāya ceteti,||
na ubhayavyābādhāya ceteti,||
sandiṭṭhi-kā [340] nijjarā||
akālikā||
ehi passikā||
opanayikā paccattaṁ||
veditabbā viññūhi.|| ||

(iii)

Yaṁ muḷho mohādhikaraṇaṁ attavyābādhāya pi ceteti||
paravyābādhāya pi ceteti,||
ubhayavyābādhāya pi ceteti,||
mehe pahīne n'eva attavyābādhāya pi ceteti,||
na paravyābādhāya ceteti,||
na ubhayavyābādhāya ceteti||
sandiṭṭhi-kā nijjarā||
akālikā||
ehi passikā||
opanayikā paccattaṁ||
veditabbā viññūhi.|| ||

Imā kho gāmaṇi tisso sandiṭṭhi-kā nijjarā||
akālikā||
ehi passikā||
opanayikā paccattaṁ||
veditabbā viññūhi" ti.|| ||

Evaṁ vutte Rāsiyo gāmaṇī Bhagavantaṁ etad avoca:|| ||

"Abhikkantaṁ bhante,||
abhikkantaṁ bhante,||
seyyathā pi bhante nikkujjitaṁ vā ukkujjeyya,||
paṭi-c-channaṁ vā vivareyya||
mūḷahassa vā Maggaṁ ācikkheyya,||
andha-kāre vā tela-pajjotaṁ dhāreyya||
'cakkhu-manto rūpāni dakkhinti' ti.|| ||

Evam evaṁ Bhagavatā aneka-pariyāyena Dhammo pakāsito.|| ||

Es'āhaṁ bhante Bhagavantaṁ saraṇaṁ gacchāmi||
Dhammañ ca||
bhikkhu-saṅghañ ca,||
upāsakaṁ maṁ Bhagavā dhāretu ajja-t-agge pāṇupetaṁ saraṇaṁ gatan" ti.|| ||

Saṁyutta Nikāya 4. Saḷāyatana Vagga 42. Gāmani Saṁyutta

Sutta 12

Rāsiya Suttaṁ

1.

2.

3.

4.

5.

6.

Saṁyutta Nikāya
4. Saḷāyatana Vagga
42. Gāmani Saṁyutta