Vedanā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evam me sutaṁ:|| ||

Ekaṁ samayam Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tisso imā bhikkhave, vedanā.|| ||

Katamā tisso?|| ||

Sukhā vedanā||
dukkhā vedanā||
adukkha-m-asukhā vedanā.|| ||

Imā kho bhikkhave, tisso vedanā.|| ||

■

Imāsaṇ kho bhikkhave tissannaṁ vedanānaṁ pariññāya||
Ariyo Aṭṭhaṅgiko Maggo bhāvetabbo.|| ||

Katamo Ariyo Aṭṭhaṅgiko Maggo?|| ||

Seyyath'īdaṁ:|| ||

Sammā-diṭṭhi,||
sammā-saṅkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

[22] Imāsaṇ kho bhikkhave, tissannaṁ vedanānaṁ pariññāya||
ayaṁ Ariyo Aṭṭhaṅgiko Maggo bhāvetabbo" ti.|| ||