Saṃyutta Nikāya
5. Mahā-Vagga
45. Magga Saṃyutta
Añña-Titthiya-Peyyāla
Sutta 43
Anusaya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Atha kho sambahulā bhikkhū yena Bhagavā ten'upasaṇkamiṃsu.|| ||
Upasaṇkamitvā Bhagavantaṃ abhivādetvā eka-m-antaṃ nisīdiṃsu.|| ||
Eka-m-antaṃ nisinne kho te bhikkhū Bhagavā etad avoca:|| ||
"Sace vo bhikkhave, añña-titthiyā paribbājakā evaṃ puccheyyuṃ:|| ||
'Kim atthiyaṃ āvuso, samaṇe Gotame Brahma-cariyaṃ vussatī' ti?|| ||
Evaṃ puṭṭhā tumhe bhikkhave, tesaṇ||
añña-titthiyānaṃ paribbājakānaṃ evaṃ vyākareyyātha.|| ||
'Anusaya-samugghātatthaṃ kho āvuso Bhagava ti Brahma-cariyaṃ vussatī' ti.|| ||
■
Sace pana vo bhikkhave, añña-titthiyā paribbājakā evaṃ puccheyyuṃ:|| ||
"Atthi pan'āvuso Maggo||
atthi paṭipadā anusaya-samugghātāya' ti?|| ||
Evaṃ puṭṭhā tumhe bhikkhave, tesaṇ||
añña-titthiyānaṃ paribbājakānaṃ evaṃ vyākareyyātha:|| ||
'Atthi kho āvuso Maggo||
atthi paṭipadā anusaya-samugghātāya' ti.|| ||
Katamo ca bhikkhave, Maggo||
katamo ca paṭipadā anusaya-samugghātāya?|| ||
Ayam-eva Ariyo Aṭṭhaṇgiko Maggo.|| ||
Seyyath'īdaṃ:|| ||
Sammā-diṭṭhi,||
samā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||
Ayaṃ bhikkhave, Maggo||
ayaṃ paṭipadā anusaya-samugghātāya ti.|| ||
Evaṃ puṭṭhā tumhe bhikkhave, tesaṇ||
añña-titthiyānaṃ paribbājakānaṃ evaṃ vyākareyyāthā" ti.|| ||
