Saṃyutta Nikāya
5. Mahā-Vagga
46. Bojjhaṇga Saṃyutta
2. Gilāna Vagga
Sutta 17
Pāraṇgāmi or Apara Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
"Satt'ime bhikkhave, bojjh'aṇgā bhāvitā||
bahulī-katā||
a-pāra-apāraṃ gamanāya saṃvaṭṭanti.|| ||
Katame satta?|| ||
Sati-sambojjh'aṇgo,||
Dhamma-vicaya-sambojjh'aṇgo,||
viriya-sambojjh'aṇgo,||
pīti-sambojjh'aṇgo,||
passaddhi-sambojjh'aṇgo,||
samādhi-sambojjh'aṇgo,||
upekhā-sambojjh'aṇgo.|| ||
Ime kho bhikkhave, satta bojjh'aṇgā bhāvitā||
bahulī-katā||
a-pāra-apāraṃ gamanāya saṃvaṭṭantī" ti.|| ||
Idam avoca Bhagavā idaṃ vatvā Sugato athāparaṃ etad avoca Satthā.|| ||
[82] "Appakā te manussesu ye janā pāragāmino,||
Athāyaṃ itarā pajā tīram evānudhāvati.|| ||
Ye ca kho sammad akkhāte dhamme dhamm-ā-nuvattino,||
Te janā pāram essanti maccudheyyaṃ suduttaraṃ.|| ||
Kaṇhaṃ dhammaṃ vippahāya sukkaṃ bhāvetha paṇḍito,||
Okā anokaṃ āgamma viveke yattha dūramaṃ.|| ||
Tatr-ā-bhiratim iccheyya hitvā kāme akiñ cano,||
Pariyodapeyya attāṇaṃ citta-klesehi paṇḍito.|| ||
Yesaṇ sambodhiaṇgesu sammā cittaṃ subhāvitaṃ,||
Ādāna-paṭinissagge anupādāya ye ratā||
Khīṇ'āsavā jutīmanto te loke parinibbutā" ti.|| ||
