Saṃyutta Nikāya
5. Mahā-Vagga
46. Bojjhaṇga Saṃyutta
2. Gilāna Vagga
Sutta 18
Viraddha or Āraddha Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Yesaṇ kesañci bhikkhave,||
satta bojjh'aṇgā viraddhā||
viraddho tesaṇ ariyo Maggo||
sammā dukkha-k-khaya-gāmī.|| ||
Yesaṇ kesañci bhikkhave,||
satta bojjh'aṇgā āraddhā||
āraddho tesaṇ ariyo Maggo||
sammā dukkha-k-khaya-gāmī.|| ||
Katame satta?|| ||
Sati-sambojjh'aṇgo,||
dhamma-vicaya-sambojjh'aṇgo,||
viriya-sambojjh'aṇgo,||
pīti-sambojjh'aṇgo,||
passaddhi-sambojjh'aṇgo,||
samādhi-sambojjh'aṇgo,||
upekhā-sambojjh'aṇgo.|| ||
Yesaṇ kesañci bhikkhave,||
satta bojjh'aṇgā viraddhā||
viraddho tesaṇ ariyo Maggo||
sammā dukkha-k-khaya-gāmī.|| ||
Yesaṇ kesañci bhikkhave,||
satta bojjh'aṇgā āraddhā||
āraddho tesaṇ ariyo Maggo||
sammā dukkha-k-khaya-gāmī" ti.|| ||
